બોટાદ LCB PI અને તેમની ટીમને બાતમી મળી હતી કે, દારૂ ભરેલો ટ્રક ભાવનગરથી અમરેલી જઈ રહ્યો છે જેથી પોલીસે ગોઠવી હતી વોચ અને વોચ દરમિયાન દારૂનો જથ્થો ઝડપી પાડયો છે, બાતમી વાળો ટ્રક આવતા પોલીસે ટ્રકને રોકી તપાસ કરતા દારૂનો જથ્થો હોવાનું સામે આવ્યું છે.
બોટાદ એલસીબી પોલીસે વિદેશી દારૂનો જથ્થો ઝડપ્યો
પોલીસે ટ્રકમાંથી રૂ.27.40 લાખની કિંમતની 8784 બોટલ વિદેશી દારૂ જપ્ત કર્યો છે અને પોલીસે દારૂ તેમજ ટ્રક મળી કુલ રૂ.52.71 લાખનો મુદ્દામાલ જપ્ત કર્યો છે, પોલીસે રાકેશ ભીમજી મોરી અને કિશન સુરેશ દવેની ધરપકડ કરી છે, ક્યાંથી દારૂ આવતો હતો અને કયા ઉતારવાનો હતો તે દિશામાં પોલીસે તપાસ હાથ ધરી છે.