જામનગર શહેરના સિટી ‘સી’ ડિવિઝન પોલીસ મથકની હદમાં સગીરા પર દુષ્કર્મ આચરવાના ગુનામાં નામદાર પોક્સો કોર્ટ દ્વારા કડક વલણ અપનાવતા આરોપીને 20 વર્ષની સખત કેદની સજા ફટકારવામાં આવી છે. પોક્સો કોર્ટ દ્વારા પુરાવાઓ અને સરકારી વકીલની ધારદાર દલીલોને ગ્રાહ્ય રાખી આ મહત્વપૂર્ણ ચુકાદો આપવામાં આવ્યો છે.
શું હતો સમગ્ર કેસ?
જામનગરના સિટી ‘સી’ ડિવિઝન વિસ્તારમાં સગીરા પર અત્યાચાર ગુજારવાની ઘટના બની હતી. આ મામલે પોલીસે ગુનો નોંધી આરોપી જયદીપ લુણાશિયાની ધરપકડ કરી હતી. પોલીસ દ્વારા આ કેસમાં પૂરતા પુરાવાઓ એકત્ર કરી નિષ્પક્ષ તપાસ હાથ ધરવામાં આવી હતી અને કોર્ટમાં ચાર્જશીટ રજૂ કરવામાં આવી હતી.
