SMCએ દરોડા દરમિયાન 9 આરોપીઓને ઝડપ્યા છે જેમાં એક આરોપી સગીર વયનો છે, સ્થાનિક પોલીસ ઊંધતી ઝડપાઈ અને SMCએ દરોડા પાડ્યા હતા, SMCની કાર્યવાહીથી બુટલેગરોમાં ફફડાટ જોવા મળ્યો છે. જૂનાગઢમાં ગાંધીનગરની સ્ટેટ મોનીટરીંગ સેલની ટીમે શહેરના મધ્યમાં ધમધમતી દેશી દારૂની મીની ફેક્ટરીનો પર્દાફાશ કર્યો છે. કાળવા નદીના વોકળામાં પંચેશ્વર મહાદેવ મંદિરની પાછળ ચાલી રહેલી આ ફેક્ટરી પર દરોડો પાડી SMCએ 11.14 લાખનો મુદ્દામાલ જપ્ત કરી 8 શખ્સો અને 1 કાયદાના સંઘર્ષમાં આવેલ કિશોરને ઝડપી પાડ્યા છે.
વોશનો સ્થળ પર જ નાશ કરવામાં આવ્યો હતો
SMCના PSI કે.એચ. ઝનકાત અને તેમની ટીમને બાતમી મળી હતી કે ગોવિંદ ઉર્ફે અબલુ મોરી અને તેના ભાઈઓ કાળવા વોકળામાં ભઠ્ઠી ચલાવે છે. આ બાતમીના આધારે પોલીસે વોચ ગોઠવી રેડ કરતા સ્થળ પરથી દેશી દારૂ ગાળવાની મોટી ભઠ્ઠીઓ મળી આવી હતી. આરોપીઓએ જમીનમાં ખાડા કરી, તેના પર ગેસના ચુલા અને બેરલ ગોઠવી દારૂ ગાળતા હતા. સ્થળ પરથી પોલીસે ૧૭૫૫ લીટર તૈયાર દેશી દારૂ જેની કિંમત રૂ. ૩.૫૧ લાખ અને ૯૮૨૦ લીટર વોશ જેની કિંમત રૂ. ૨.૪૫ લાખ શોધી કાઢ્યો હતો. વોશનો સ્થળ પર જ નાશ કરવામાં આવ્યો હતો.
