મહેસાણા ફૂડ એન્ડ ડ્રગ્સ વિભાગ દ્વારા ઊંઝામાં એક મોટી કાર્યવાહી કરતા શંકાસ્પદ જીરું અને વરિયાળી બનાવતી ફેક્ટરી ઝડપી લેવામાં આવી છે. તંત્ર દ્વારા મળેલી બાતમીના આધારે ઊંઝા મામલતદાર કચેરી વિસ્તારમાં રેડ કરવામાં આવી હતી, જ્યાં જીરા અને વરિયાળી પર અખાદ્ય પદાર્થોનું પ્રોસેસિંગ કરી લોકોના આરોગ્ય સાથે ચેડાં કરવામાં આવતા હતા.
વ્હાઇટ પાવડરનું જીવલેણ કોટિંગ
રેડ દરમિયાન ફૂડ એન્ડ ડ્રગ્સ વિભાગના અધિકારીઓ તે જોઈને ચોંકી ગયા હતા કે જીરા અને વરિયાળીને આકર્ષક દેખાવ આપવા માટે તેના પર મોટા પ્રમાણમાં અખાદ્ય વ્હાઇટ પાવડરનું કોટિંગ કરવામાં આવતું હતું. તપાસ દરમિયાન ફેક્ટરીમાંથી આ ઘાતક પાવડરનો મોટો જથ્થો પણ મળી આવ્યો છે.