ગુજરાતમાં દારૂબંધી હોવા છતાં બુટલેગરો અવનવા નુસખા અપનાવીને દારૂની હેરાફેરી કરતા હોય છે. ત્યારે મોરબીની માળીયા પોલીસે પશુઓને ખવડાવવાના ભુસાની આડમાં થતી અંગ્રેજી દારૂની મોટી હેરાફેરી ઝડપી પાડી બુટલેગરોના મનસૂબા પર પાણી ફેરવી દીધું છે.
ભુસાના કોથળા નીચે છુપાવી હતી 6672 બોટલો
માળીયા પોલીસને મળેલી ચોક્કસ બાતમીના આધારે હળવદ તરફથી ગાંધીધામ તરફ જઈ રહેલા એક શંકાસ્પદ ટ્રક (નંબર: RJ-36-GA-9858) ને અટકાવવામાં આવ્યો હતો. ટ્રકની તલાસી લેતા તેમાં ઉપર પશુ આહારનો ભુસો ભરેલો હતો, પરંતુ અંદર ઝીણવટભરી તપાસ કરતા ભારતીય બનાવટના વિદેશી દારૂની નાની-મોટી કુલ 6672 બોટલો મળી આવી હતી.