રાજકોટ જિલ્લાના ઉપલેટા તાલુકામાં પોલીસ તંત્ર એક્શન મોડમાં જોવા મળી રહ્યું છે. ભાયાવદર પોલીસ મથકના સ્ટાફ દ્વારા ચોક્કસ બાતમીના આધારે પડવલા ગામ અને મોટી પાનેલી ગામની સીમમાં જુગાર રમતા શખ્સો પર ત્રાટકી મોટી સફળતા મેળવી છે. અલગ-અલગ બે રેડમાં પોલીસે કુલ 8 શખ્સોને લાખોના મુદ્દામાલ સાથે ઝડપી લીધા છે.
પડવલા ગામમાં હાઈટેક વોચ છતાં પોલીસની સફળતા
પડવલા ગામમાં રમાતા જુગાર પર રેડ કરવી એ પોલીસ માટે મોટા પડકાર સમાન હતી, કારણ કે જુગારીઓએ પકડાઈ ન જવા માટે તમામ પ્રકારની સાવધાની અને ગોઠવણી કરી હતી. જોકે, ભાયાવદર પોલીસે કુનેહપૂર્વક આયોજન કરી અહીં રેડ કરી હતી. જેમાં જયંતિ મોહનભાઈ ગોરચીયા અને હિતેશ મોહનભાઈ જોશી નામના બે શખ્સોને કુલ રૂપિયા 1,23,210 ના મુદ્દામાલ સાથે ઝડપી લીધા હતા. આ કેસમાં હજુ બે આરોપીઓને પકડવાના બાકી હોવાનું જાણવા મળ્યું છે.