પ્રદ્યુમનનગર પોલીસ દ્વારા સરપ્રાઈઝ ચેકિંગ કરાયું છે અને 25 ચાઈનીઝ ફિરકી સાથે એક શખ્સની અટકાયત કરવામાં આવી છે, ઉતરાયણના તહેવારને લઈને રાજકોટ પોલીસ દ્વારા પતંગ દોરીના વેપારીઓને ત્યાં ચેકિંગ હાથ ધરવામાં આવ્યું છે અને શહેરના પ્રદ્યુમનનગર પોલીસ દ્વારા પ્રતિબંધિત ચાઈનીઝ દોરી તેમજ તુક્કલના વેચાણને ચેકિંગ હાથ ધરવામાં આવ્યું છે, પોલીસ ટીમ દ્વારા સદર બજારમાં પતંગ-દોરી વેચાણની જગ્યાઓમાં સરપ્રાઈઝ ચેકીંગ કરવામાં આવ્યું છે.
6 જાન્યુઆરી 2026ના રોજ જેતપુરમાં ચાઈનીઝના કારણે બાઈક સવાર યુવકનું ગળું કપાયું
ઉત્તરાયણ પર્વ પૂર્વે જ પ્રતિબંધિત ચાઈનીઝ દોરી માસૂમ લોકો માટે જીવલેણ સાબિત થઈ રહી છે. જેતપુરમાં આવી જ એક હૃદયદ્રાવક ઘટના સામે આવી છે, જેમાં એક યુવકનું ચાઈનીઝ દોરીથી ગળું કપાઈ જતાં તે મોતના મુખમાંથી પરત આવ્યો છે. જેતપુરના બળદેવધાર વિસ્તારમાં રહેતો 27 વર્ષીય યુવાન સાગર પરમાર જ્યારે પોતાની બાઈક પર જઈ રહ્યો હતો ત્યારે આ ઘટના બની છે.