રાજકોટમાં એમ્બરગ્રીસ સાથે બે આરોપી ઝડપાતા સમગ્ર પંથકમાં ચકચાર મચી જવા પામી છે. આ એમ્બરગ્રીસ રાજકોટથી વિદેશ મોકલવાનો પ્લાન સાથે આરોપીઓ જૂનાગઢથી અમદાવાદ આવ્યા હતા. જોકે, પ્લાન પાર પાડે તે પહેલા જ તેઓ પોલીસના હાથે ઝડપાઈ ગયા હતા. પોલીસે આરોપીઓની ધરપકડ કરીને આ એમ્બરગ્રીસ ક્યાંથી લાવ્યા અને કોને વેચવાના હતા, તે અંગે તપાસ હાથ ધરી છે.
ઘટનાની વિગત
ઘટનાની મળતી માહિતી અનુસાર, જૂનાગઢથી બે ઈસમો એમ્બરગ્રીસના જથ્થા સાથે રાજકોટ આવ્યા હતા. આ એમ્બરગ્રીસનો જથ્થો તેઓ વિદેશ મોકલવાની ફિરાકમાં હતા. આ અંગે પોલીસને ચોક્કસ બાતમી મળતા તેઓએ આ બંને ઇસમોને ઝડપી લીધા હતા. આ એમ્બરગ્રીસના જથ્થાની કિંમત 97 લાખ રૂપિયા થાય છે. જેને પોલીસે જપ્ત કર્યો છે.
