સુરત જિલ્લામાં બેફામ ગતિએ દોડતા વાહનો નિર્દોષ લોકોનો ભોગ લઈ રહ્યા છે. પલસાણામાં મલેક ચોકડી પાસે એક ગમખ્વાર અકસ્માત સર્જાયો હતો, જેમાં એક 18 વર્ષીય આશાસ્પદ યુવકનું માથામાં ગંભીર ઇજા થવાના કારણે સારવાર દરમિયાન મોત નીપજ્યું છે. આ ઘટનાને પગલે પલસાણા પંથકમાં અરેરાટી વ્યાપી ગઈ છે.
ઘટનાની વિગત
ઘટનાની મળતી માહિતી અનુસાર, પલસાણામાં રહેતો 18 વર્ષીય વિકાસ રમેશભાઈ હળપતિ પોતાની મોટરસાયકલ લઈને મલેક ચોકડી પાસેથી પસાર થઈ રહ્યો હતો. આ દરમિયાન કોઈ અજાણ્યા વાહને તેની બાઈકને જોરદાર ટક્કર મારી હતી. અકસ્માત એટલો ભયાનક હતો કે, વિકાસને માથાના ભાગે ગંભીર ઇજાઓ પહોંચી હતી. ટક્કર મારીને અજાણ્યો વાહન ચાલક ઘટનાસ્થળેથી ફરાર થઈ ગયો હતો.
