સુરત જિલ્લાના ઓલપાડ તાલુકાના સાયણ વિસ્તારમાં આવેલી એક ડાયમંડ કંપનીના અંડરગ્રાઉન્ડ વીજ વાયરના ડ્રમની ચોરીની ઘટનાનો ઓલપાડ પોલીસે ગણતરીના દિવસોમાં પર્દાફાશ કર્યો છે. પોલીસે આ મામલે ત્રણ આરોપીઓની ધરપકડ કરી લાખોનો મુદ્દામાલ કબજે કર્યો છે.
બાતમીના આધારે રેડ
ઘટનાની મળતી માહિતી અનુસાર, સિવાણ ગામની સીમમાં આવેલી ડાયમંડ કંપનીના કિંમતી અંડરગ્રાઉન્ડ ઇલેક્ટ્રિક વાયરના ડ્રમ ચોરાયા હતા. આ અંગે તપાસ કરી રહેલી ઓલપાડ પોલીસને ચોક્કસ બાતમી મળી હતી કે, ચોરીનો મુદ્દામાલ એક ગોડાઉનમાં છુપાવવામાં આવ્યો છે. બાતમીના આધારે પોલીસે તાત્કાલિક ગોડાઉન પર રેડ પાડી હતી, જ્યાંથી ચોરીનો માલ મળી આવ્યો હતો.