હીરા અને ટેક્સટાઇલ સિટી સુરતમાં ગુનાખોરી ડામવા માટે પોલીસ એક્શન મોડમાં છે. સુરતના સારોલી પોલીસ સ્ટેશનની ટીમે પેટ્રોલિંગ દરમિયાન મળેલી ચોક્કસ બાતમીના આધારે ઓપરેશન પાર પાડીને દેશી પિસ્તોલ સાથે બે શખ્સોને દબોચી લીધા છે. પકડાયેલા શખ્સો પાસેથી હથિયાર મળી આવતા પોલીસે વધુ તપાસ તેજ કરી છે.
કાર્યવાહીની વિગતો
સારોલી પોલીસની ટીમ વિસ્તારમાં પેટ્રોલિંગમાં હતી, ત્યારે શંકાસ્પદ હાલતમાં જણાતા બે શખ્સોની અટકાયત કરવામાં આવી હતી. તેમની ઝડતી લેવામાં આવતા તેમની પાસેથી એક દેશી બનાવટની પિસ્તોલ મળી આવી હતી. પોલીસે હથિયાર ઉપરાંત મોબાઈલ ફોન સહિત કુલ રૂપિયા 20,000નો મુદ્દામાલ જપ્ત કર્યો છે.
