Surat News : ખટોદરામાં હાથ બનાવટના તમંચા સાથે આરોપીની ધરપકડ, પોલીસે તપાસ હાથ ધરી...

સુરત શહેરમાં ગુનાખોરી ડામવા માટે સક્રિય બનેલી ક્રાઈમ બ્રાન્ચે બાતમીના આધારે ખટોદરા વિસ્તારમાં દરોડો પાડીને એક સફળ ઓપરેશન પાર પાડ્યું છે. આ કાર્યવાહી દરમિયાન પોલીસના હાથે પ્રદિપકુમાર કમલેશપ્રસાદ પટેલ નામનો શખ્સ ઝડપાયો છે. આરોપી પાસેથી પોલીસને તપાસ દરમિયાન હાથ બનાવટનો એક ઘાતક દેશી તમંચો મળી આવ્યો હતો. ક્રાઈમ બ્રાન્ચની આ

ત્વરિત કાર્યવાહીને કારણે શહેરમાં કોઈ મોટી અઘટિત ઘટના બનતા અટકી હોવાનું મનાઈ રહ્યું છે.

ક્રાઈમ બ્રાન્ચની બાજ નજર

પોલીસે આરોપી પ્રદિપકુમાર પાસેથી દેશી તમંચાની સાથે બે જીવતા કારતૂસ પણ જપ્ત કર્યા છે. હાલમાં સુરત પોલીસે આ શખ્સ વિરુદ્ધ આર્મ્સ એક્ટ (હથિયાર ધારો) મુજબ ગુનો નોંધીને તેની કાયદેસરની ધરપકડ કરી છે. પોલીસ તપાસમાં હવે એ દિશામાં પૂછપરછ કરવામાં આવી રહી છે કે, આરોપી આ હથિયાર ક્યાંથી લાવ્યો હતો અને તેનો ઉપયોગ કયા ઈરાદે કરવાનો હતો. ખટોદરા વિસ્તારમાં હથિયાર સાથે પકડાયેલા આ શખ્સના ભૂતકાળના ગુનાહિત ઈતિહાસની પણ પોલીસ તપાસ કરી રહી છે.

આ પણ વાંચો : Ahmedabad News : ફિલ્મ 'ધુરંધર' પર સંકટના વાદળો, બલૂચ સમુદાયના અપમાનના આક્ષેપ સાથે સંવાદો દૂર કરવા માંગ