દક્ષિણ ગુજરાતના પટ્ટા પર મોટા પાયે દારૂનું કટિંગ અને દારૂનો ધંધો કરનાર કુખ્યાત બુટલેગર પોલીસના હાથે ઝડપાઈ ગયો છે, પરમેશ્વર ઉર્ફે સાધુ રામજી પાન્ડેને પોલીસે ઝડપ્યો છે, આરોપી સામે દક્ષિણ ગુજરાતના અલગ-અલગ પોલીસ સ્ટેશનમાં પ્રોહિબિશનના ગુના નોંધાયા છે અને 14 જેટલા ગુના નોંધાયા હોવાની વાત સામે આવી છે.
બાતમીના આધારે ઓપરેશન પાર પાડી આ રીઢા ગુનેગારને જેલ ભેગો કર્યો
આરોપી પોલીસના ચોપડે વર્ષ 2021થી ફરાર હતો અને ભાગતો ફરતો હતો આરોપી વિરુદ્ધ દારૂબંધીના અનેક ગુનાઓ નોંધાયા છે અને પોલીસથી બચવા અનેક જગ્યાએ ફરતો રહેતો હતો, આરોપી પરમેશ્વર ઉર્ફે સાધુ પાન્ડે મૂળ બિહારના ચંદૌલી જિલ્લાનો વતની છે અને હાલ સુરતના ભેસ્તાન તથા વલસાડના વાપીમાં રહેતો હતો. સુરત શહેર, સુરત ગ્રામ્ય, નવસારી અને વલસાડ જિલ્લાના અલગ-અલગ પોલીસ સ્ટેશનોમાં આરોપી વિરુદ્ધ દારૂબંધીના અનેક ગુનાઓ નોંધાયેલા છે.
