અમદાવાદમાં કાળી ચૌદસના દિવસે વર્ષોથી ચાલી આવતી કકળાટ કાઢવાની પરંપરા નિભાવવામાં આવી હતી. શહેરની અનેક ગૃહિણીઓ ઘરમાંથી કકળાટ કાઢવા માટે ચાર રસ્તા સુધી પહોંચી હતી. પરંપરા મુજબ મહિલાઓએ ચાર રસ્તા પર પાણી અને વડા મૂક્યાં હતાં. એવી માન્યતા છે કે કકળાટ કાઢવાથી ઘરમાંથી નકારાત્મકતા દૂર થાય છે અને આખું વર્ષ સુખ-શાંતિ જળવાઈ રહે છે.
ચાર રસ્તા પર પાણી અને વડા મૂકવાની માન્યતા
કાળી ચૌદસના દિવસે ગૃહિણીઓ ઘરમાંથી કકળાટ કાઢીને ચાર રસ્તા પર મૂકવાની પરંપરા અનુસરે છે. આ વિધિમાં પાણી અને વડા મૂકવામાં આવે છે. મહિલાઓ આ પરંપરા દ્વારા ઘરમાં રહેલો કકળાટ દૂર કરવાની ધાર્મિક માન્યતાનું પાલન કરે છે.