Aravalli : સાકરિયા ગામમાં નૂતન વર્ષની અનોખી ઉજવણી, જાણો, સાંજના સમયે કેમ પશુધનને ગ્રામજનો ભડકાવે છે ?

અરવલ્લી જિલ્લાના મોડાસા તાલુકાના સાકરિયા ગામે નૂતન વર્ષની અનોખી પરંપરા મુજબ ઉજવણી કરવામાં આવી હતી. ગામના લોકો એકઠા થઈ પશુધનને ભડકાવીને આ પરંપરા નિભાવે છે. આ ઉજવણી જોવા માટે ગ્રામજનો પણ મોટી સંખ્યામાં જોડાય છે.

ગામના પાદરે એકઠું થાય છે પશુધન

સાંજના સમયે ગામનું પશુધન ગામના પાદરે એકઠું કરવામાં આવે છે. ત્યારબાદ પશુધનના સમૂહની આસપાસ ગ્રામજનો ભેગા થાય છે અને ફટાકડા ફોડે છે. ફટાકડાના અવાજથી પશુઓ ભડકીને દોડવા લાગે છે.

મહામારીથી રક્ષણ મળતું હોવાની માન્યતા

ગ્રામજનોની માન્યતા છે કે નૂતન વર્ષના દિવસે પશુધનને આ રીતે ભડકાવવાની પરંપરા નિભાવવાથી વર્ષ દરમિયાન પશુઓમાં મહામારી આવતી નથી. આ માન્યતાને કારણે ગામના લોકો દર વર્ષે સમૂહમાં આ ઉજવણી કરે છે.

વર્ષો જૂની પરંપરા જાળવવા ગ્રામજનો એકજૂટ

સાકરિયા ગામના લોકો આ અનોખી પરંપરાને આજે પણ જાળવી રાખી રહ્યા છે. નૂતન વર્ષના અવસરે ગ્રામજનો એકસાથે ભેગા થઈ ઉજવણીમાં ભાગ લે છે.  

આ પણ વાંચો :    Delhi : પ્રણવ મુખર્જી વડાપ્રધાન બનવા ઇચ્છતા હતા તો તેમાં ખોટું શું? શર્મિષ્ઠા મુખર્જીએ સોનિયા ગાંધીને આપ્યો જવાબ