- આદિત્ય રોય કપૂર અને અનન્યા પાંડેના બ્રેકઅપની ચર્ચા
- આદિત્ય રોય કપૂર અને સારા અલી ખાન સાથે જોવા મળ્યા
- સોશિયલ મીડિયા પર તસવીરો થઇ વાયરલ
બોલિવૂડ એક્ટર આદિત્ય રોય કપૂર ફરી એકવાર પોતાની લવ લાઈફને લઈને ચર્ચામાં આવ્યા છે. અનન્યા પાંડે સાથેના બ્રેકઅપના સમાચાર હજુ શમ્યા ન હતા કે સારા અલી ખાન સાથેની આદિત્ય રોય કપૂરની પાર્ટીની તસવીરો વાયરલ થઈ. આદિત્ય રોય કપૂર અને સારા અલી ખાન તાજેતરમાં પ્રખ્યાત દિગ્દર્શક અનુરાગ બાસુના જન્મદિવસની પાર્ટીમાં સાથે જોવા મળ્યા હતા. આ પાર્ટીની બંનેની તસવીર સોશિયલ મીડિયા પર વાયરલ થઈ રહી છે.
અનુરાગ બાસુની બર્થડે પાર્ટીમાં આદિત્ય-સારા સાથે જોવા મળ્યા હતા
નિર્દેશક અનુરાગ બાસુએ તાજેતરમાં જ પોતાનો જન્મદિવસ ઉજવ્યો હતો. જ્યાં તેણે ખૂબ જ નજીકના લોકોને આમંત્રણ આપ્યું હતું. તે નજીકના લોકોમાં, ડિરેક્ટરની આગામી ફિલ્મ મેટ્રો ધીઝ ડેઝ ના મુખ્ય કલાકારો સહિત આદિત્ય રોય કપૂર અને સારા અલી પહોંચ્યા હતા. અનુરાગ બાસુની પાર્ટીનો એક વીડિયો વાયરલ થઈ રહ્યો છે, જેમાં ડાયરેક્ટર પોતાના મહેમાનોને બર્થડે કેક આપવા માટે નજીક આવતા જોવા મળે છે, આ વીડિયોમાં આદિત્ય અને સારા અલી ખાનની ઝલક જોઈ શકાય છે.
આદિત્ય રોય અને સારા અલી ખાન એકસાથે જોવા મળ્યા
આદિત્ય રોય કપૂર અને સારા અલી ખાન એકસાથે જોવાના સમાચાર સોશિયલ મીડિયા પર ફેલાઈ ગયા છે. આદિત્ય અને સારાને એકસાથે જોવાનું લોકો પચાવી શકતા નથી. કેટલાક કહે છે કે અનન્યાથી અલગ થયા બાદ આદિત્ય હવે સારાના પ્રેમમાં છે. જ્યારે કેટલાકનું કહેવું છે કે બંને એકસાથે ફિલ્મો કરી રહ્યા છે અને કો-સ્ટાર્સ સાથે રહે છે તેમાં કંઈ ખોટું નથી. સારા અલી ખાન અને આદિત્ય રોય કપૂર આ દિવસોમાં અનુરાગ બાસુની આગામી ફિલ્મ મેટ્રોમાં મુખ્ય કલાકાર છે.
