Pahalgam Terror Attack પર અક્ષય કુમાર ભડક્યા, કહ્યું 'નિર્દોષોને મારવા ઘોર પાપ'

જમ્મુ અને કાશ્મીરના પહેલગામમાં મંગળવારે બપોર પછી એક મોટો આતંકવાદી હુમલો થયો છે. આ હુમલામાં અત્યાર સુધીમાં 26 લોકોના મોત થયા હોવાની આશંકા વ્યક્ત કરવામાં આવી રહી છે, જ્યારે ઘણા લોકો ગંભીર રીતે ઘાયલ થયા છે અને મૃત્યુઆંક પણ વધી શકે છે. આ ઘટના બાદ દિલ્હીમાં કેન્દ્રીય ગૃહમંત્રી અમિત શાહના નિવાસસ્થાને એક ઉચ્ચ સ્તરીય બેઠક યોજાઈ હતી. ત્યારબાદ અમિત શાહ પણ જમ્મુ અને કાશ્મીર જવા રવાના થયા છે અને હાલ તેઓ શ્રીનગર પહોંચ્યા છે.

અક્ષય કુમારે આપી આ પ્રતિક્રિયા

આ હુમલાના સમાચારથી દરેક વ્યક્તિમાં આતંકીઓ વિરૂદ્ધ રોષ જોવા મળી રહ્યો છે. હવે બોલિવૂડ અભિનેતા અક્ષય કુમારે પણ હુમલામાં જીવ ગુમાવનારા લોકોના પરિવારો પ્રત્યે સંવેદના વ્યક્ત કરી છે. બોલિવૂડ અભિનેતા અક્ષય કુમારે પોતાના ઓફિશિયલ એક્સ એકાઉન્ટ પર પોસ્ટ કર્યું છે. અક્ષયે પહેલગામમાં થયેલા આતંકવાદી હુમલામાં માર્યા ગયેલા નિર્દોષ લોકોને શ્રદ્ધાંજલિ આપી છે. તેમણે આ આતંકવાદી હુમલાની આકરી ટીકા કરી છે. અક્ષયે કહ્યું કે આ સમાચાર સાંભળીને હું ચોંકી ગયો.

દોષિતો સામે કડક કાર્યવાહી થવી જોઈએ

અક્ષયે પોતાના ટ્વિટમાં લખ્યું છે કે પહેલગામમાં પ્રવાસીઓ પર થયેલા આતંકવાદી હુમલાના સમાચાર સાંભળીને હું ચોંકી ગયો, આ રીતે નિર્દોષ લોકોની હત્યા કરવી એ ઘોર પાપ છે. હું તેમના પરિવારો માટે પ્રાર્થના કરું છું. અક્ષય પહેલા પણ ઘણી વખત દેશમાં ચાલી રહેલી પ્રવૃત્તિઓ પર પોતાના વિચારો શેર કરી ચૂક્યા છે. અક્ષય કહે છે કે દોષિતો સામે કડક કાર્યવાહી થવી જોઈએ. તમને જણાવી દઈએ કે અક્ષય કુમારની ફિલ્મ 'કેસરી ચેપ્ટર 2' 18 એપ્રિલના રોજ સિનેમાઘરોમાં રિલીઝ થઈ હતી. આ ફિલ્મને લોકોનો ઘણો પ્રેમ મળી રહ્યો છે. ફિલ્મમાં અક્ષય ઉપરાંત આર. માધવન અને અનન્યા પાંડે પણ મુખ્ય ભૂમિકામાં છે.