- બોલિવુડ એક્ટર અરબાઝ ખાન 4 ઓગસ્ટે પોતાનો 57મો જન્મદિવસ સેલિબ્રેટ કરી રહ્યો છે
- આ ખાસ અવસર પર તેની બીજી પત્ની શુરા ખાને સોશિયલ મીડિયા પર જન્મદિવસની રોમેન્ટિક પોસ્ટ શેર કરી છે
- શુરાએ અરબાઝનો ડાન્સ કરતો વીડિયો શેર કર્યો છે
અરબાઝ ખાને દબંગ, હેલો બ્રધર, દરાર અને પ્યાર કિયા તો ડરના ક્યા જેવી ફિલ્મોથી ઈન્ડસ્ટ્રીમાં પોતાનું સ્થાન હાંસલ કર્યું છે. આજે તે ફિલ્મ પ્રોડ્યુસર બની ગયો છે અને બોલિવુડ ફિલ્મો પ્રોડ્યુસ કરી રહ્યો છે. આજે એટલે કે 4 ઓગસ્ટે એક્ટર 57મો જન્મદિવસ સેલિબ્રેટ કરી રહ્યો છે.
શુરાએ શેર કરી પોસ્ટ
રવિવારે પોતાનો જન્મદિવસ મનાવી રહેલા અરબાઝ ખાનને તેના ફેન્સે શુભેચ્છા પાઠવી છે. હવે તેની પત્ની શુરા ખાને પણ તેના પતિ માટે રોમેન્ટિક પોસ્ટ શેર કરી છે. અરબાઝ અને તેની પત્ની એકબીજા પર પ્રેમ વરસાવવાની કોઈ તક છોડતા નથી. શુરાએ અરબાઝના જન્મદિવસ પર પણ કંઈક આવું જ કર્યું હતું.
અરબાઝનો ફની ડાન્સ વીડિયો કર્યો શેર
અરબાઝ ખાનના જન્મદિવસના પર શુરા ખાને તેના ઈન્સ્ટાગ્રામ એકાઉન્ટ પર એક વીડિયો શેર કર્યો છે. વીડિયોમાં અરબાઝની અનસીન ક્લિપ જોવા મળે છે, જેમાં તે ફની સ્ટાઈલમાં ડાન્સ કરતો જોવા મળે છે. કેટલીક જગ્યાએ તે બેલી ડાન્સ કરતો જોવા મળે છે તો કેટલીક જગ્યાએ તે તેની પત્ની શૂરા સાથે મસ્તી કરતો જોવા મળે છે.
https://www.instagram.com/reel/C-P-RdxCBNg/?utm_source=ig_embed&utm_campaign=loading
શુરાએ તેના પતિ પર વરસાવ્યો પ્રેમ
શૂરા ખાને ક્યૂટ વીડિયો શેર કરતી વખતે તેના પતિ માટે કેપ્શનમાં લખ્યું છે કે "હેપ્પી બર્થ ડે અરબાઝ. તમારી આસપાસ, તમારા ફની જોક્સ, તમારું પાગલપન, તમારા ફની ડાન્સ મૂવ્સ સાથે એક પણ દિવસ નિસ્તેજ નથી થતો." તમારી વફાદારી, તમારો પ્રેમ, તમારું ડેડીકેશન, તમારું સન્માન સરાહનીય છે. તમારા ડિમ્પલથી તમારી ગાલની કરચલીઓ સુધી હું હંમેશા તમારી સાથે રહીશ.
શુરા ખાન અરબાઝ ખાનની બીજી પત્ની છે. એક્ટરે પહેલા લગ્ન 1998 માં મલાઈકા અરોરા સાથે કર્યા હતા, જેની સાથે તેમને એક પુત્ર અરહાન છે. 2017 માં તેને અને મલાઈકાએ છૂટાછેડા લીધા હતા. ગયા વર્ષે અરબાઝે શૂરા સાથે લગ્ન કર્યા હતા, જે તેના કરતા 21 વર્ષ નાની હતી.
