Hina Khanને 'સુપરમેન'નો આવ્યો વીડિયો કોલ, એક્ટ્રેસે શેર કરી પોસ્ટ

પોપ્યુલર એક્ટ્રેસ હિના ખાન હાલમાં તેના કેન્સરને કારણે ચર્ચામાં છે. આ સફરમાં ફેન્સ અને ટીવી સેલેબ્સની સાથે, હિના ખાનને બોલીવુડ સેલેબ્સનો પણ સપોર્ટ મળ્યો છે.

એક સમયે ટીવી અને બોલીવુડ સેલિબ્રિટી વચ્ચેના તફાવત વિશે ચિંતિત હિના હવે બોલીવુડમાંથી મળી રહેલા પ્રેમ અને ધ્યાનનો આનંદ માણી રહી છે. મહિમા ચૌધરી, દિયા મિર્ઝા, તાહિરા કશ્યપથી લઈને સામંથા રૂથ પ્રભુ સુધી, ઘણા સેલેબ્સે હિનાને સપોર્ટ કર્યો છે.

હિનાએ કોને કીધું 'ભારતનો સુપરમેન'?

હવે આ લિસ્ટમાં એક નવું નામ ઉમેરાયું છે. કેન્સરને લઈને સોશિયલ મીડિયા પર ચાલી રહેલા વિવાદ વચ્ચે, હિના ખાનને હવે ભારતના સુપરમેનનો સપોર્ટ મળ્યો છે. એક્ટ્રેસે તેના ઈન્સ્ટાગ્રામ હેન્ડલ પર આનો પુરાવો પણ શેર કર્યો છે. હિનાએ હવે પોતાની ઈન્સ્ટાગ્રામ સ્ટોરી પર એક પોસ્ટ શેર કરીને પોતાની ખુશી વ્યક્ત કરી છે અને ફેન્સ સાથે પોતાની શાનદાર પળ શેર કરી છે.

ધર્મેન્દ્ર સાથે વીડિયો કોલ પર વાત કરીને ખુશ દેખાતી હિના ખાન

આ પોસ્ટમાં હિના ખાનના ધર્મેન્દ્ર સાથે કરેલા વીડિયો કોલનો સ્ક્રીનશોટ છે. આમાં, ધર્મેન્દ્ર ખૂબ જ ખુશ જોવા મળી રહ્યા છે, જ્યારે હિનાના ચહેરા પર કૃતજ્ઞતાની લાગણી દેખાય છે. ધર્મેન્દ્ર સાથે વાત કરતી વખતે હિનાના ચહેરા પર એક ચમક દેખાય છે. એક્ટ્રેસે ખૂબ જ પોઝિટીવ પોસ્ટ શેર કરી છે. આ તસવીર શેર કરતા હિનાએ લખ્યું છે કે 'જ્યારે ભારતના OG સુપરમેન તમારી શક્તિ અને સફરની પ્રશંસા કરે છે અને તમને તેમના હૃદયપૂર્વકના આશીર્વાદ આપે છે...'

હિનાએ ધર્મેન્દ્ર પર વરસાવ્યો પ્રેમ

હિનાએ આગળ લખ્યું છે કે 'વીડિયો કોલ કરવા બદલ ધરમ કાકાનો આભાર.. હું ટૂંક સમયમાં તમને મળવા આવી રહી છું અને હું તમને ખૂબ પ્રેમ કરું છું.' આ પોસ્ટ જોયા પછી એવું લાગે છે કે હિનાનો ધર્મેન્દ્ર સાથે ખૂબ જ સારો સંબંધ છે. તમને જણાવી દઈએ કે, બોલીવુડ સેલેબ્સે હિનાને તેની કેન્સરની સફરમાં સપોર્ટ કરવામાં કોઈ કસર છોડી નથી અને આનાથી તેને ઘણી હિંમત મળી છે.