- છૂટાછેડા બાદ હાર્દિક પંડ્યા શ્રીલંકાના પ્રવાસે ગયો છે
- નતાશા સ્ટેનકોવિક તેના વતન સર્બિયા ગઈ છે
- નતાશા પોતાના પુત્ર અગસ્ત્ય સાથે ખૂબ જ મસ્તી કરી રહી છે
હાર્દિક પંડ્યાના પર્સનલ જીવન સાથે જોડાયેલા ઘણા સમાચાર ચર્ચામાં રહ્યા છે. તેમાંથી એક તેની પત્ની નતાશા સ્ટેનકોવિકથી છૂટાછેડાના સમાચાર હતા. છૂટાછેડાની ઓફિશિયલ જાહેરાત હાર્દિક પંડ્યા અને નતાશા સ્ટેનકોવિકે તેમના સોશિયલ મીડિયા પર એક પોસ્ટ શેર કરીને કરી હતી. આ છૂટાછેડા પછી હાર્દિક પંડ્યા શ્રીલંકાના પ્રવાસે ગયો છે, જ્યારે નતાશા સ્ટેનકોવિક તેના વતન સર્બિયા ગયો છે. ત્યાંથી તે પોતાના પુત્ર સાથે ઘણી તસવીરો શેર કરી રહી છે અને દરેક પળને એન્જોય કરી રહી છે.
છૂટાછેડા પછી સર્બિયામાં નવી શરૂઆત
નતાશાએ હાર્દિક પંડ્યાથી છૂટાછેડા લીધા બાદ સર્બિયામાં તેના પરિવાર સાથે સમય પસાર કરવાનો નિર્ણય લીધો છે. તેણે શનિવારે ઈન્સ્ટાગ્રામ પર ત્રણ વીડિયો શેર કર્યા છે. આમાંથી બે વીડિયોમાં નતાશા અને તેનો પુત્ર અગસ્ત્ય બગીચામાં ફળો તોડતા જોવા મળે છે. આ વીડિયોથી સ્પષ્ટ છે કે નતાશા તેના પુત્રને ખુશ રાખવા માટે તમામ પ્રયાસ કરી રહી છે અને બંને સાથે સારો સમય પસાર કરી રહ્યાં છે.
નતાશાનો ખાસ પ્રેમ
હાર્દિકથી છૂટાછેડા લીધા બાદ નતાશાએ બીજો વીડિયો પોસ્ટ કર્યો છે જેમાં તે તેના ડોગ સાથે જોવા મળી રહી છે. આ વીડિયોમાં નતાશા તેના ડોગને ખૂબ પ્રેમ કરી રહી છે. શ્વાન નતાશાના ખોળામાં બેસીને તેની સાથે મસ્તી કરી રહ્યો છે. ફેન્સને આ વીડિયો ઘણો પસંદ આવ્યો છે. છૂટાછેડા પછી નતાશા આ મુશ્કેલ સમયમાં તેના શ્વાન અને પુત્ર સાથે ખુશ રહેવાનો પ્રયાસ કરી રહી છે.
હાર્દિક અને નતાશાના છૂટાછેડા
હાર્દિક પંડ્યા અને નતાશા સ્ટેનકોવિકના લગ્ન 31 મે, 2020ના રોજ થયા હતા. આ લગ્ન પછી કપલે તે જ વર્ષે એક બાળકનું સ્વાગત કર્યું અને એક છોકરાના માતાપિતા બન્યા. હાર્દિક પંડ્યા અને નતાશા સ્ટેનકોવિકના પુત્રનું નામ અગસ્ત્ય છે. ત્રણ વર્ષ પછી, ફેબ્રુઆરી 2023માં ઉદયપુરમાં કપલે વિધિસર લગ્ન કર્યા. બંનેએ સોશિયલ મીડિયા પર છૂટાછેડા સાથે જોડાયેલી પોતાની પોસ્ટમાં કહ્યું છે કે તેઓ તેમના પુત્ર અગસ્ત્યનો ઉછેર સાથે કરશે.
