Shah Rukh Khan, અજય અને ટાઈગર સામે નોટિસ જાહેર, કોર્ટે માંગ્યો જવાબ

બોલીવુડ ફિલ્મ એક્ટર શાહરૂખ ખાન, અજય દેવગન અને ટાઈગર શ્રોફ વિરુદ્ધ કોટાની જિલ્લા ગ્રાહક અદાલતમાં ફરિયાદ દાખલ કરવામાં આવી છે. જિલ્લાના એક સામાજિક કાર્યકર્તાએ જિલ્લા ગ્રાહક તકરાર નિવારણ આયોગમાં ફરિયાદ નોંધાવી છે કે પાન મસાલાની જાહેરાત 'કેસર કા દમ' કહીને યુવાનોને ગેરમાર્ગે દોરી રહી છે.

રાજ્ય ગ્રાહક તકરાર નિવારણ આયોગ, કોટા (ગ્રાહક અદાલત) ની સર્કિટ બેન્ચે પણ આ કેસમાં પાન મસાણા કંપનીના માલિક સહિત ત્રણ ફિલ્મ સ્ટાર્સ સામેની ફરિયાદ સ્વીકારી છે. કોર્ટે પ્રતિવાદીઓ પાસેથી 21 એપ્રિલ સુધીમાં જવાબ માંગ્યો છે.

સામાજિક કાર્યકર્તાએ નોંધાવી છે ફરિયાદ

ફરિયાદ દાખલ કરનારા વકીલ વિવેક નંદવાનાએ જણાવ્યું હતું કે સામાજિક કાર્યકર ઈન્દ્ર મોહન સિંહ હનીએ પાન મસાલા કંપનીના માલિક અને ત્રણેય ફિલ્મ સ્ટાર શાહરૂખ, અજય અને ટાઈગર શ્રોફ વિરુદ્ધ જિલ્લા ગ્રાહક અદાલતમાં ફરિયાદ દાખલ કરી છે.

ફિલ્મ સ્ટાર્સના કારણે યુવાનો પાન મસાલા ખરીદી રહ્યા છે: ઈન્દ્ર મોહન

વાદી ઈન્દ્ર મોહન કહે છે કે આજના યુવાનો આ ફિલ્મ સ્ટાર્સને પોતાના રોલ મોડેલ માને છે. તે પાન મસાલા વેચી રહ્યા છે. તેમની જાહેરાતમાં કહેવામાં આવી રહ્યું છે કે 'કેસર કા દમ', આ કારણે યુવાનો આ પાન-મસાલા ખરીદી રહ્યા છે. જ્યારે કેસરની કિંમત લાખો રૂપિયામાં છે. પાન મસાલાના પાઉચ પર દર્શાવવામાં આવેલા પાન મસાલામાં કેસરની હાજરીના કોઈ વૈજ્ઞાનિક પુરાવા નથી. આ જાહેરાત ભ્રામક છે અને તેનો પ્રચાર ત્રણેય ફિલ્મ સ્ટાર્સ દ્વારા કરવામાં આવી રહ્યો છે.

આરોપીઓએ 21 એપ્રિલે કોર્ટમાં પોતાનો પક્ષ રજૂ કરવો જોઈએ: વકીલ

એડવોકેટ વિવેક નંદવાનાએ જણાવ્યું હતું કે ગ્રાહક સુરક્ષા કાયદા હેઠળ નોટિસ જાહેર કરવામાં આવી છે. આરોપીને 21 એપ્રિલે કોર્ટમાં આવીને પોતાનો પક્ષ રજૂ કરવા કહેવામાં આવ્યું છે. તેમને કહ્યું કે આવા કિસ્સાઓમાં સજા અને દંડ બંનેની જોગવાઈ છે.