સલમાન ખાન હાલમાં પોતાની આગામી ફિલ્મ માતૃભૂમિની તૈયારીમાં વ્યસ્ત છે. દર્શકો આ ફિલ્મની આતુરતાથી રાહ જોઈ રહ્યા છે. આ દરમિયાન સલમાન ખાને પોતાની ઇન્ટરનેશનલ એક્શન થ્રિલર ફિલ્મ 7 ડોગ્સ વિશે એક મોટી માહિતી શેર કરી છે. આ ફિલ્મ આ વર્ષની શરૂઆતમાં મિડલ ઈસ્ટમાં રિલીઝ થઈ હતી અને હવે ભારતીય સિનેમાઘરોમાં રિલીઝ થવા માટે તૈયાર છે.

ભારતમાં આ દિવસે રિલીઝ થશે 7 ડોગ્સ

સલમાન ખાને જાહેરાત કરી છે કે તેમની ઇન્ટરનેશનલ ફિલ્મ 7 ડોગ્સ આખરે 21 ઓગસ્ટે ભારતમાં સિનેમાઘરોમાં રિલીઝ થશે. ફિલ્મનું ટીઝર શેર કરતા સલમાને લખ્યું, સૌથી મોટા મિશન માટે કાઉન્ટડાઉન શરૂ થઈ ગયું છે! આ જાહેરાતમાં જણાવવામાં આવ્યું છે કે 7 ડોગ્સ અરબ દુનિયાની બોક્સ ઓફિસ પર રેકોર્ડ તોડનારી હિટ ફિલ્મ છે. સાથે જ એ પણ કન્ફર્મ કરવામાં આવ્યું છે કે ભારતીય દર્શકો હવે આ એક્શન થ્રિલર ફિલ્મને મોટા પડદા પર જોઈ શકશે. ફિલ્મનું દિગ્દર્શન બિલાલ ફલ્લાહ અને આદિલ અલ અરબી દ્વારા કરવામાં આવ્યું છે. આ ફિલ્મ આ વર્ષની શરૂઆતમાં મિડલ ઈસ્ટમાં રિલીઝ થઈ ચૂકી છે, જેમાં સલમાન ખાન અને સંજય દત્તની નાની પરંતુ ખાસ ઝલક જોવા મળી હતી. હવે ભારતમાં ફિલ્મની રિલીઝ તારીખ સામે આવ્યા બાદ બંને કલાકારોના ફેન્સ ખૂબ ખુશ છે.

સલમાન-સંજયની ઝલકથી ટીઝરે વધારી ફેન્સની એક્સાઇટમેન્ટ

ગયા વર્ષે ફિલ્મનું ટીઝર સામે આવ્યા બાદ સલમાન ખાન અને સંજય દત્તના ફેન્સ ખૂબ એક્સાઇટેડ થઈ ગયા હતા. ટીઝરના પહેલા જ મિનિટમાં સંજય દત્તની ઝલક જોવા મળી હતી, જેમાં તેઓ કોઈ વ્યક્તિ પર બંદૂક તાકતા જોવા મળ્યા હતા. તેમના ચહેરા પર ખતરનાક અંદાજ જોવા મળ્યો હતો. ત્યારબાદ ટીઝરના બીજા ભાગમાં સલમાન ખાનની એન્ટ્રી થઈ હતી.
https://www.instagram.com/reel/Db01zHQN9II/?utm_source=ig_web_copy_link&igsh=MzRlODBiNWFlZA==

કેમિયો રોલમાં જોવા મળશે સલમાન અને સંજય

ફિલ્મની સ્ટોરી ઈન્ટરપોલ ઓફિસર ખાલિદ અલ-અઝ્ઝાજીની આસપાસ ફરે છે, જે ખતરનાક વૈશ્વિક ક્રાઇમ સિન્ડિકેટ 7 ડોગ્સના મોટા સભ્ય ઘાલી અબુ દાઉદને પકડી લે છે. ફિલ્મમાં સલમાન ખાન અને સંજય દત્ત કેમિયો રોલમાં જોવા મળશે, જ્યારે કરીમ અબ્દેલ અઝીઝ અને અહમદ એઝ્ઝ મુખ્ય ભૂમિકામાં છે. ફિલ્મનું નિર્માણ સાઉદી અરેબિયાની જનરલ એન્ટરટેઇનમેન્ટ ઓથોરિટીના ચેરમેન તુર્કી અલ-શેખે કર્યું છે. સલમાન ખાન અને સંજય દત્ત ફેબ્રુઆરી 2025માં 3 દિવસના શૂટિંગ માટે રિયાધ પણ ગયા હતા. સલમાન ખાન અને સંજય દત્તના ફેન્સ બંનેને ફરી એકવાર પડદા પર સાથે જોવા માટે ખૂબ એક્સાઇટેડ છે. આ પહેલાં બંને સાજન, ચાલ મેરે ભાઈ અને યે હૈ જલવા જેવી ફિલ્મોમાં સાથે કામ કરી ચૂક્યા છે. બંનેની ઓન-સ્ક્રીન કેમેસ્ટ્રી હંમેશા દર્શકોને પસંદ આવી છે.

આ પણ વાંચો-Actor Yash : કોણ છે Toxicના ખૂંખાર રાયાની બહેન? શાહરૂખ ખાન સાથે આપી બ્લોકબસ્ટર ફિલ્મ, યશે કહ્યું- 'લેડી સુપરસ્ટાર'!