સુપરસ્ટાર આમિર ખાન પોતાની પર્સનલ લાઇફને લઈને ખૂબ ચર્ચામાં રહે છે. તેમણે બે લગ્ન કર્યા. જો કે, તેમના બંને લગ્ન ચાલ્યા નહીં અને છૂટાછેડા થઈ ગયા. હવે આમિર લોન્ગટાઇમ ગર્લફ્રેન્ડ ગૌરી સ્પ્રેટ સાથે લગ્ન કરવા જઈ રહ્યા છે.
ક્યારે થશે આમિર ખાનના લગ્ન?
તેમના લગ્ન મુંબઈમાં તેમના જ ઘરે થશે. તેઓ 5 જુલાઈના રોજ રજિસ્ટર મેરેજ કરશે. આમિર ખાન આ લગ્ન ખૂબ જ સિમ્પલ રીતે કરવાના છે. આ લગ્નમાં માત્ર ક્લોઝ ફેમિલી અને ફ્રેન્ડ્સ જ સામેલ થશે. આમિર ખાને લગ્નને લઈને કહ્યું હતું, આ સિમ્પલ રજિસ્ટર મેરેજ હશે. આ મેરેજ ઘર પર જ થશે. આમાં માત્ર બંનેની ફેમિલીઝ અને ક્લોઝ ફ્રેન્ડ્સ હશે. અમે આને ખૂબ જ બેઝિક રાખવા માગીએ છીએ.
જ્યારે ગૌરી સાથે કન્ફર્મ કર્યું રિલેશનશિપ
આમિર ખાન અને ગૌરી સ્પ્રેટ બે દાયકાથી એકબીજાને જાણે છે. જો કે, વર્ષો સુધી બંને સારા મિત્રો રહ્યા. પછી કિરણથી છૂટાછેડા લીધા બાદ આમિર અને ગૌરી સંબંધમાં આવ્યા. આમિર ખાને પોતાના 60મા બર્થડે સેલિબ્રેશનમાં ગૌરી સાથે રિલેશનશિપ કન્ફર્મ કર્યો હતો. આમિરે જણાવ્યું હતું કે તેઓ ગૌરી સાથે રિલેશનશિપમાં છે અને લિવ ઇનમાં રહી રહ્યા છે.
https://www.instagram.com/reel/DaM5xA-KdDa/?utm_source=ig_web_copy_link&igsh=MzRlODBiNWFlZA==
કોણ છે ગૌરી સ્પ્રેટ?
ગૌરી બેંગલુરુની રહેવાસી છે. તે બ્યુટી અને વેલનેસ ઇન્ડસ્ટ્રીમાં કામ કરે છે. તે સેલૂન બિઝનેસ સંભાળી રહી છે. આ બિઝનેસ તેની માતાએ શરૂ કર્યો હતો. આની સાથે જ તે આમિર ખાનની પ્રોડક્શન કંપનીમાં પણ કામ કરે છે. ગૌરી લાઇમલાઇટથી બિલકુલ દૂર રહે છે.
આમિર ખાનના બે લગ્ન અને છૂટાછેડા
માહિતી મુજબ આમિર ખાને પહેલા લગ્ન 1986 માં રીના દત્તા સાથે કર્યા હતા. આ લગ્ન 2002 સુધી ચાલ્યા. આ લગ્નથી આમિર ખાનને બે બાળકો જુનૈદ અને આયરા ખાન છે. તે પછી આમિરે 2005 માં કિરણ રાવ સાથે લગ્ન કર્યા. 2021 માં તેમણે કિરણથી છૂટાછેડા લઈ લીધા. કિરણ અને આમિરને એક દીકરો આઝાદ છે. આમિરનો પોતાની બંને એક્સ વાઇફ સાથે સારો બોન્ડ છે. બંનેને આમિર ખાનના ઇવેન્ટ અને ફંક્શનમાં સ્પોટ કરવામાં આવે છે.
આ પણ વાંચો-2026માં બોલીવુડના અત્યાર સુધીના સૌથી મોટા વિવાદો, ડોન 3થી આમિર ખાનના ત્રીજા લગ્ન સુધી ચર્ચા જ ચર્ચા!
