અહાન પાંડેએ મોહિત સૂરીની ફિલ્મ સૈયારાથી પોતાનું બોલીવુડ ડેબ્યૂ કર્યું હતું. આ ફિલ્મને દર્શકોનો એટલો બધો પ્રેમ મળ્યો કે ફિલ્મ બ્લોકબસ્ટર બની ગઈ. ત્યારથી જ ફેન્સ અહાનને ફરી સ્ક્રીન પર જોવા માટે આતુર હતા. હવે ફેન્સની આ રાહ પૂરી થવા જઈ રહી છે. અહાન ટૂંક સમયમાં જ યશરાજ ફિલ્મ્સની નવી ફિલ્મમાં જોવા મળશે. આ ફિલ્મમાં તે શર્વરી વાઘ સાથે રોમાન્સ કરતો નજરે પડશે. મેકર્સે ફિલ્મનું ટાઇટલ અને પહેલું પોસ્ટર પણ રિલીઝ કરી દીધું છે.
ફિલ્મ બેપરવાહનું ડિરેક્શન અને સ્ટોરી
ફિલ્મનું નામ બેપરવાહ છે, જેનું ડિરેક્શન અલી અબ્બાસ ઝફર કરી રહ્યા છે, જ્યારે આદિત્ય ચોપરા તેના પ્રોડ્યુસર છે. આ એક રોમેન્ટિક એક્શન-ડ્રામા ફિલ્મ છે. ફિલ્મના પહેલા પોસ્ટર પરથી તેની સ્ટોરીમાં રોમાન્સ અને એક્શનનું અનોખું મિશ્રણ જોવા મળી રહ્યું છે. પોસ્ટરની સાથે જ ફિલ્મની રિલીઝ ડેટની પણ જાહેરાત થઈ ગઈ છે.
https://www.instagram.com/reel/De8jw27ILpR/?utm_source=ig_web_copy_link&exln=MzRlODBiNWFlZA==&srtk=MzRlODBiNWFlZA==
શર્વરી સાથે રોમાન્સ કરશે અહાન
પોસ્ટરમાં અહાનના હાથમાં ગન છે, જ્યારે શર્વરી ગિટાર પકડેલી જોવા મળી રહી છે. પોસ્ટરમાં બંનેના ચહેરા બતાવવામાં આવ્યા નથી, જેથી મેકર્સે હાલ પૂરતો તેમનો લૂક સિક્રેટ રાખ્યો છે. પોસ્ટરની સાથે એક ડાયલોગ પણ સંભળાઈ રહ્યો છે, જેમાં અહાનના અવાજમાં સંભળાય છે કે, બેપરવાહ હૈ ઇશ્ક, ક્યા કરૂં? બેપરવાહ, બેઇંતહા કરૂં, કોઈ ભી આયે તો... સબ તબાહ, તબાહ, તબાહ કર દૂં.
અહાન-શર્વરીની જોડી અને અનીત પડ્ડાનું રિએક્શન
બેપરવાહ ફિલ્મમાં અહાન અને શર્વરી પહેલીવાર સાથે કામ કરી રહ્યા છે. યશરાજ ફિલ્મ્સ સાથે અહાનની આ બીજી ફિલ્મ છે. આ પહેલાં તે યશરાજ ફિલ્મ્સની ફિલ્મ સૈયારાથી પોતાનું એક્ટિંગ ડેબ્યૂ કરી ચૂક્યો છે, જેનું ડિરેક્શન મોહિત સૂરીએ કર્યું હતું. આ પોસ્ટર પર અહાન પાંડેની રુમર્ડ ગર્લફ્રેન્ડ અને સૈયારા ફિલ્મની એક્ટ્રેસ અનીત પડ્ડાનું રિએક્શન પણ આવ્યું છે. એક્ટ્રેસે કોમેન્ટ કરીને લખ્યું કે, 'બેસ્ટ ઓફ બેસ્ટ! ખૂબ જ એક્સાઈટેડ છું!
ક્યારે રિલીઝ થશે અહાન-શર્વરીની ફિલ્મ?
મેકર્સે ફિલ્મના પહેલા પોસ્ટર સાથે જ તેની રિલીઝ ડેટ પણ જાહેર કરી દીધી છે. આ ફિલ્મ 26 માર્ચે સિનેમાઘરોમાં રિલીઝ થશે. આ ફિલ્મના માધ્યમથી અલી અબ્બાસ ઝફર પણ યશરાજ ફિલ્મ્સ સાથે વાપસી કરી રહ્યા છે. આ પહેલાં તેઓ આ બેનર સાથે સુલતાન અને ટાઈગર ઝિંદા હૈ જેવી સુપરહિટ ફિલ્મો બનાવી ચૂક્યા છે. જોકે ફિલ્મ વિશે હજુ વધુ વિગતો સામે આવી નથી, પરંતુ રિપોર્ટ્સ મુજબ ફિલ્મની કાસ્ટમાં બોબી દેઓલ પણ જોડાયા છે.
આ પણ વાંચો-South Cinema : રજનીકાંતની જેલર 2એ વિશ્વભરમાં રચ્યો ઇતિહાસ, બની તમિલ સિનેમાની સૌથી મોટી ફિલ્મ!
