યુનાઇટેડ કિંગડમના કેટલાક વીડિયો સોશિયલ મીડિયા પર વાયરલ થઈ રહ્યા છે, જેમાં તમિલનાડુના મુખ્યમંત્રી અને એક્ટર વિજય સાઉથ એક્ટર-રેસર અજિત કુમારની મિશેલિન લે મેન્સ કપ રેસ માટે સિલ્વરસ્ટોનમાં જોવા મળ્યા હતા. આ દરમિયાન ત્રિશા કૃષ્ણન પણ ત્યાં હાજર હતી. આ વીડિયોમાં વિજયને સિલ્વરસ્ટોન રાઉન્ડ પહેલાં સર્કિટ પર અજિતનું સ્વાગત કરતા જોઈ શકાય છે. આ વીડિયો સોશિયલ મીડિયા પર ખૂબ વાયરલ થઈ રહ્યા છે અને લોકોનું ધ્યાન ખેંચી રહ્યા છે.
મેન્સ રેસમાં સાથે જોવા મળ્યા CM વિજય અને ત્રિશા
UKમાં રહેતા વિજય અને અજિતના ફેન્સને જ્યારે ખબર પડી કે બંને સ્ટાર્સ લે મેન્સ રેસ માટે સિલ્વરસ્ટોનમાં હશે, ત્યારે તેઓ મોટી સંખ્યામાં ત્યાં પહોંચી ગયા. રેસ પહેલાં વિજય અને અજિત એક ટેન્ટમાં રાહ જોઈ રહ્યા હતા ત્યારે ફેન્સે ત્રિશાને પણ તેમની સાથે જોઈ હતી. એક ફેને ઈન્સ્ટાગ્રામ પર વીડિયો પોસ્ટ કરીને લખ્યું, ત્રિશા AK અને થલાપતિના ટેન્ટમાં જોવા મળી. ત્રિશા કૃષ્ણન શનિવારે સિલ્વરસ્ટોન પહોંચી હતી. રેસિંગ સર્કિટ પર આવેલા ટેન્ટમાં જતા પહેલાં તે જીન્સ, ટી-શર્ટ અને મરૂન જેકેટ પહેરીને કારમાંથી બહાર નીકળતી જોવા મળી હતી.
વિજય અને ત્રિશા કૃષ્ણનનો વીડિયો વાયરલ
અજિતની રેસ દરમિયાન CM વિજય, ત્રિશા કૃષ્ણન અને આધવ સાથે સ્ટેન્ડ્સમાં ઊભા જોવા મળ્યા હતા. આ દરમિયાન એક ક્ષણ માટે કેમેરો તેમની તરફ ફર્યો, ત્યારે ત્રિશા નીચે જોઈને શું થઈ રહ્યું છે તે જોઈ રહી હતી અને એ જ સમયે વિજયની નજર તેમના પર પડી.
https://twitter.com/Pokkiri_Victor/status/2098816557443129693
વિજય અને ત્રિશાની આ ક્ષણ જોતજોતામાં વાયરલ થઈ ગઈ અને સોશિયલ મીડિયા પર ચર્ચાનો વિષય બની ગઈ. મેન્સ રેસના ખાસ અવસર પર વિજયે જીન્સ, કાળી ટી-શર્ટ અને ભૂરું જેકેટ પહેર્યું હતું, જ્યારે ત્રિશાએ પણ જીન્સ, સફેદ ટી-શર્ટ અને ભૂરું જેકેટ પહેર્યું હતું.
CM વિજયે અજિત કુમારને ગળે લગાવ્યા
સિલ્વરસ્ટોનનો વધુ એક વીડિયો સામે આવ્યો છે, જેમાં વિજય રેસિંગ સર્કિટ પર અજિત તરફ ઝડપથી જતા અને તેમને ગળે લગાવતા જોવા મળી રહ્યા છે. મિશેલિન લે મેન્સ કપના સિલ્વરસ્ટોન રાઉન્ડ પહેલા અજિતે સ્થળ પર વિજયનું વ્યક્તિગત રીતે સ્વાગત કર્યું હતું.
https://twitter.com/ActorVijayTeam/status/2098785760015262090
ત્રિશા કૃષ્ણન અને વિજયની ખાસ મિત્રતા
આ પહેલાં ત્રિશા કૃષ્ણન મે 2026માં તમિલનાડુના મુખ્યમંત્રી તરીકે વિજયના શપથ ગ્રહણ સમારોહમાં સામેલ થઈ હતી. તે વિજયના પરિવાર સાથે જોવા મળી હતી અને બાદમાં વિજયના પહેલા સંબોધન દરમિયાન તે ભાવુક થઈ ગઈ હતી. તાજેતરમાં તે સ્વતંત્રતા દિવસના કાર્યક્રમમાં પણ વિજયના પરિવાર સાથે જોવા મળી હતી. બંને લાંબા સમયથી એકબીજાના સારા મિત્રો છે.
આ પણ વાંચો-Lata Mangeshkarના આઇકોનિક ગીતની અમેરિકન સિંગરે કરી કોપી, થયો હતો 4000 કરોડનો ઐતિહાસિક કેસ!
