અમીષા પટેલ પોતાની સુંદરતા અને એક્ટિંગ માટે જાણીતી છે. તે લાંબા સમયથી એક્ટિંગથી દૂર હતી. જોકે, સની દેઓલની ફિલ્મ ગદર 2થી તેણે પડદા પર વાપસી કરી અને ફરી એકવાર છવાઈ ગઈ. હાલમાં અમીષાની ઉંમર 51 વર્ષ છે. જોકે, તે આજે પણ કુંવારી છે. અત્યાર સુધી એક્ટ્રેસે લગ્ન કર્યા નથી. ફેન્સના મનમાં પણ ઘણીવાર સવાલ થાય છે કે આખરે અમીષાએ અત્યાર સુધી લગ્ન કેમ નથી કર્યા? હવે એક્ટ્રેસે પોતે ખુલાસો કર્યો છે કે તેના લગ્ન ન કરવા પાછળનું કારણ શું છે. લાંબા સમયથી તેના લગ્નને લઈને સવાલો ઉઠતા રહ્યા છે, પરંતુ હવે તેણે સ્પષ્ટ કરી દીધું છે કે હાલ તેનો લગ્ન કરવાનો કોઈ ઈરાદો નથી. સોશિયલ મીડિયા પર ફેન્સ સાથે વાતચીત દરમિયાન અમીષાએ સિંગલ રહેવાનું કારણ પણ જણાવ્યું છે.
અમીષા પટેલે લગ્ન કેમ નથી કર્યા?
અમીષા પટેલે તાજેતરમાં X પર આસ્ક મી એનીથિંગ સેશન કર્યું હતું. આ દરમિયાન એક ફેને તેને પૂછ્યું, તમે લગ્ન ક્યારે કરશો? તેના જવાબમાં એક્ટ્રેસે સ્પષ્ટ રીતે લખ્યું, ક્યારેય નહીં. હું સિંગલ રહીને ખૂબ ખુશ છું. મારા 100 નજીકના પરિવારના સભ્યો અને મિત્રો છે, જે મને પ્રેમ કરે છે. હું એવું નથી ઈચ્છતી કે કોઈ એક વ્યક્તિ આવે અને આ બધું બદલી નાખે. અમીષાના આ જવાબને સોશિયલ મીડિયા પર ઘણું સમર્થન મળ્યું છે. ઘણા ફેન્સે કહ્યું કે સિંગલ રહીને પણ ખુશ અને સફળ જીવન જીવી શકાય છે. કેટલાક લોકોએ લખ્યું કે લગ્ન દરેક વ્યક્તિ માટે જરૂરી નથી અને દરેક વ્યક્તિને પોતાની પસંદ મુજબ જીવન જીવવાનો અધિકાર છે.