એક્ટર ટાઈગર શ્રોફ પર રવિવારે રાત્રે ફાયરિંગ થયું હતું. એક્ટર પર 7 રાઉન્ડ ફાયરિંગ કરવામાં આવ્યું હતું. એક્ટર આ ફાયરિંગમાં માંડ માંડ બચ્યા. ટાઈગર પર ફાયરિંગ કરનારા શૂટર્સ લગભગ એક મહિના પહેલાં મુંબઈ આવ્યા હતા. તેઓ એ લિસ્ટ સ્ટાર્સના ઘરની રેકી કરી રહ્યા હતા. તેમણે એક ઓટોરિક્ષા કરી અને પછી તેનાથી મુંબઈમાં ફર્યા. તે લોકો બોલીવુડ સેલિબ્રિટીઝના ઘરે રેકી કરવા ગયા હતા.
સેલિબ્રિટીઝના ઘરોની રેકી અને અમિતાભની પોસ્ટ
ઓટોરિક્ષાવાળો આ લોકોને અલગ અલગ સેલિબ્રિટીઝ જેવા કે અમિતાભ બચ્ચન, આમિર ખાન, અક્ષય કુમાર, સલમાન ખાનના ઘરે લઈને ગયો હતો. હવે ટાઈગર પર હુમલા પછી અમિતાભ બચ્ચને એક પોસ્ટ કરી છે.
અમિતાભ બચ્ચનની પોસ્ટ
મહાનાયક અમિતાભ બચ્ચન અવારનવાર ચર્ચામાં રહે છે. અમિતાભ બચ્ચન સોશિયલ મીડિયા પર પણ ખૂબ એક્ટિવ રહે છે. જોકે, બુધવારે તેમણે પોસ્ટ કરીને જણાવ્યું કે તેઓ સોશિયલ મીડિયા પર કંઈ લખી શકતા નથી.
અમિતાભ બચ્ચને એક્સ પર પોસ્ટ કરીને લખ્યું, માફી ચાહું છું, થોડા દિવસો માટે આરામ કરવાનો અને રિકવર થવાનો સમય કાઢવા માટે કહેવામાં આવ્યું છે. તેથી કંઈ લખી શકતો નથી. અમિતાભની આ પોસ્ટ પછી ફેન્સ ચિંતામાં મુકાઈ ગયા છે અને તેઓ અમિતાભને પૂછી રહ્યા છે કે તેમને શું થયું છે. ફેન્સ અમિતાભની તબિયતને લઈને પૂછી રહ્યા છે કે તેઓ ઠીક છે કે નહીં.
અમિતાભ બચ્ચનની અપકમિંગ ફિલ્મો
અમિતાભ બચ્ચન છેલ્લે ફિલ્મ વેટ્ટૈયનમાં જોવા મળ્યા હતા. આ એક તમિલ ફિલ્મ હતી. આ સિવાય તેઓ ડોક્યુમેન્ટ્રી ધ રિયલ સુપરસ્ટારમાં જોવા મળ્યા હતા. 2025 માં તેમણે 120 બહાદુરમાં વોઇસઓવર આપ્યો હતો. હવે તેઓ ફિલ્મ કલ્કિ 2898 એડી: પાર્ટ 2 માં જોવા મળશે. તેઓ આ ફિલ્મમાં અશ્વત્થામાના રોલમાં હશે. આ ફિલ્મના પહેલા ભાગમાં પણ અમિતાભ બચ્ચન જોવા મળ્યા હતા. ફિલ્મને ખૂબ પસંદ કરવામાં આવી હતી. ફિલ્મના પહેલા ભાગમાં પ્રભાસ અને દીપિકા પાદુકોણ લીડ રોલમાં હતા. હવે બીજા ભાગમાંથી દીપિકા પાદુકોણ બહાર થઈ ગઈ છે. ફિલ્મમાં પ્રભાસ અને કમલ હાસન પણ જોવા મળશે. ફિલ્મમાં ફીમેલ લીડ કોણ હશે તેને લઈને હજુ સુધી સમાચારો સામે આવ્યા નથી.
આ પણ વાંચો-Sad Song : આંખમાંથી આંસુ છલકાઈ જશે! જાણો કરીના કપૂરના એ કલ્ટ ગીત વિશે, જેને બનતાં લાગ્યા14 વર્ષ!
