બોલિવૂડના જાણીતા ફિલ્મમેકર બોની કપૂરની મોટી દીકરી અંશુલા કપૂરે પોતાના જીવનના નવા અધ્યાયની શરૂઆત કરી છે. 6 જુલાઈ 2026ના રોજ તેણે પોતાના લાંબા સમયના બોયફ્રેન્ડ રોહન ઠક્કર સાથે લગ્ન કર્યા છે. બંનેએ એક પ્રાઇવેટ વેડિંગ સેરેમનીમાં લગ્ન કર્યા, જેમાં માત્ર પરિવારજનો અને નજીકના મિત્રો જ હાજર રહ્યા હતા.
https://www.instagram.com/p/DadRPxeik9o/?utm_source=ig_web_copy_link&igsh=MzRlODBiNWFlZA==
લગ્ન સમારોહ દરમિયાન કપૂર પરિવારમાં ખુશીનો માહોલ જોવા મળ્યો હતો. બોની કપૂર, અર્જૂન કપૂર, જાહ્નવી કપૂર અને ખુશી કપૂર સહિત પરિવારના તમામ સભ્યો આ ખાસ ક્ષણે હાજર રહ્યા હતા અને નવદંપતીને આશીર્વાદ આપ્યા હતા. અંશુલા અને રોહન લાંબા સમયથી એકબીજાને ડેટ કરી રહ્યા હતા. લગ્ન પછી અંશુલાએ પોતાના ઇન્સ્ટાગ્રામ અકાઉન્ટ પર લગ્નની તસવીરો શેર કરી હતી, જે સોશિયલ મીડિયા પર ઝડપથી વાયરલ થઈ ગઈ. તસવીરોમાં અંશુલા સુંદર લહેંગામાં જોવા મળે છે, જ્યારે રોહન ઠક્કર શેર્વાનીમાં દેખાય છે. બંનેની જોડી ખૂબ જ આકર્ષક લાગી રહી હતી.
તસવીરો શેર કરતી વખતે અંશુલાએ એક ભાવુક પોસ્ટ લખી હતી જેમાં તેણે રોહનને પોતાની 'સૌથી સુરક્ષિત જગ્યા' અને 'સૌથી સરળ પસંદ' ગણાવ્યો હતો. તેણે લખ્યું કે દરેક વળાંક અને દરેક આશ્ચર્ય વચ્ચે રોહન હંમેશા તેના જીવનનો ભાગ રહ્યો છે. લગ્નની તસવીરો સામે આવતા જ ફેન્સ અને સેલિબ્રિટીઝ તરફથી બંનેને શુભેચ્છાઓનો વરસાદ થયો હતો. સોશિયલ મીડિયા પર બંનેના લગ્નની ચર્ચા જોરશોરથી ચાલી રહી છે અને ફેન્સ તેમને નવા જીવન માટે શુભકામનાઓ પાઠવી રહ્યા છે.