શાહિદ કપૂર, કૃતિ સેનન અને રશ્મિકા મંદાના સ્ટારર ફિલ્મ 'Cocktail 2' રિલીઝ પહેલાં જ ચર્ચામાં આવી ગઈ છે. ફિલ્મ 19 જૂને સિનેમાઘરોમાં રિલીઝ થવાની છે અને તેને સેન્ટ્રલ બોર્ડ ઓફ ફિલ્મ સર્ટિફિકેશન (CBFC) તરફથી ‘A’ (એડલ્ટ્સ ઓનલી) સર્ટિફિકેટ આપવામાં આવ્યું છે.
સેન્સર બોર્ડે કેમ લીધો આ નિર્ણય?
ફિલ્મમાં અનેક બેડ-કિસિંગ સીન અને ડબલ મીનિંગ જોક્સ હોવાનું જાણવા મળ્યું છે, જેના કારણે સેન્સર બોર્ડે આ નિર્ણય લીધો છે. આ ફિલ્મનું નિર્દેશન હોમી અડાજાનિયાએ કર્યું છે. જોકે ફિલ્મની સ્ટોરી સંપૂર્ણપણે નવી છે, પરંતુ તેને 2012માં આવેલી હિટ ફિલ્મ ‘Cocktail’નો સ્પિરિચ્યુઅલ સીક્વલ માનવામાં આવી રહી છે. પ્રથમ ફિલ્મમાં સૈફ અલી ખાન, દીપિકા પાદુકોણ અને ડાયના પેન્ટી મુખ્ય ભૂમિકામાં હતા.
પહેલી ફિલ્મ કરતાં લાંબી છે 'Cocktail 2'
મળતી માહિતી મુજબ 'Cocktail 2'ની રનટાઈમ 150 મિનિટ એટલે કે લગભગ સાડા બે કલાક છે. જે પહેલી ફિલ્મ કરતાં લગભગ 4 મિનિટ લાંબી છે. 2012માં આવેલી 'Cocktail'નો રનટાઈમ 146 મિનિટ હતો. આ વખતે પણ ફિલ્મનું નિર્માણ હોમી અડાજાનિયા અને દિનેશ વિજને કર્યું છે, પરંતુ સ્ટારકાસ્ટ સંપૂર્ણપણે નવી છે.
કૃતિ સેનન માટે પહેલો A-રેટેડ અનુભવ
આ ફિલ્મ કૃતિ સેનનના કરિયરમાં એક મહત્વપૂર્ણ પડાવ છે કારણ કે આ તેમની પહેલી A-રેટેડ ફિલ્મ હશે. 'હીરોપંતી'થી કરિયર શરૂ કરનાર કૃતિએ 'બરેલી કી બરફી' અને 'મિમિ' જેવી ફિલ્મોમાં કામ કર્યું છે. બીજી તરફ, રશ્મિકા મંદાના માટે આ બીજી A-રેટેડ હિન્દી ફિલ્મ છે. અગાઉ તેની ફિલ્મ 'Animal'ને પણ A સર્ટિફિકેટ મળ્યું હતું.
નવી પ્રેમ કહાની દર્શકોને કેટલી પસંદ પડશે?
શાહિદ કપૂર માટે આ તેમની પાંચમી A-રેટેડ ફિલ્મ છે. તેઓ અગાઉ 'કમીને', 'ઉડતા પંજાબ', 'કબીર સિંહ' અને 'ઓ રોમિયો' જેવી ફિલ્મોમાં જોવા મળ્યા છે. ખાસ વાત એ છે કે પહેલી વાર તેમના કરિયરમાં સતત બે ફિલ્મોને A સર્ટિફિકેટ મળ્યું છે. ફિલ્મના ટ્રેલર લોન્ચ દરમિયાન ડિરેક્ટર હોમી અડાજાનિયાએ સ્પષ્ટ કર્યું હતું કે ફિલ્મમાં દર્શાવાતી કેટલીક ચર્ચાઓ માત્ર અફવા હતી. ફિલ્મની મુખ્ય કહાની એક લવ ટ્રાયએંગલ પર આધારિત છે, જેમાં શાહિદ કપૂરનો પાત્ર બે મહિલાઓ વચ્ચે પોતાના જીવનનો મહત્વપૂર્ણ નિર્ણય લેતા જોવા મળશે. હવે જોવાનું રહેશે કે આ નવી પ્રેમ કહાની દર્શકોને કેટલી પસંદ પડે છે.
આ પણ વાંચો : Madhuri Dixitનું એ ગીત જેના શૂટિંગ માટે રસ્તા પરથી માણસો બોલાવવા પડ્યા હતા, હિસ્ટ્રી બની ગયું ગીત!
