સ્ટાન્ડર્ડ સ્ટેન્ડ-અપ કોમેડિયન પ્રણીત મોરે હાલમાં ભારે વિવાદોમાં ઘેરાયેલા છે અને તેમની મુશ્કેલીઓ ઓછી થવાનું નામ નથી લઈ રહી. શોના કન્ટેન્ટને લઈને જાહેર જનતા પાસે માફી માંગ્યા બાદ પણ આ વિવાદ સોશિયલ મીડિયા પર સતત ચર્ચામાં છે. આ દરમિયાન, પ્રખ્યાત કોમેડિયન સુનિલ પાલે આ મુદ્દે ખુલ્લેઆમ પ્રતિક્રિયા આપી છે અને વિવાદાસ્પદ ટિપ્પણીઓ કરનારા કોમેડિયન્સને આકરા શબ્દોમાં આડેહાથ લીધા છે.
આ લોકો સમાજના આતંકવાદી...
સુનિલ પાલે તાજેતરમાં એક વીડિયો શેર કરીને પોતાનો આક્રોશ ઠાલવ્યો છે. તેમણે જણાવ્યું કે, "આજકાલ કોમેડીના નામે યુવક-યુવતીઓ હાથમાં માઇક પકડીને લોકો સામે એવું પ્રદર્શન કરે છે, જેનાથી માત્ર તેમનું ઘર ચાલે છે અને ફેશન પૂરી થાય છે. પરંતુ, આ લોકો આપણા સમાજ, યુવાનો અને દેશના ભવિષ્યને ભ્રષ્ટ કરી રહ્યા છે અને અશ્લીલતા ફેલાવી રહ્યા છે. તેથી જ હું તેમને 'સમાજના આતંકવાદી' કહું છું, કારણ કે જેઓ દેશનું ભવિષ્ય બગાડે છે તેઓ સમાજના હિતમાં હોઈ જ ન શકે."
સુનીલ પાલના આકરા સવાલ, કોમેડીના નામે કલંક
સુનિલ પાલે આવા કાર્યક્રમોનું આયોજન કરતા સ્થળના માલિકોને અપીલ કરતા કહ્યું કે, તેમણે કડક નિયમો બનાવવા જોઈએ. શોમાં કોઈ પણ પ્રકારના અપશબ્દો, અશ્લીલ ભાષા, કઠોર વિષયો કે ગંદા વિચારો રજૂ ન થવા જોઈએ. તેમણે વધુમાં સવાલ ઉઠાવતા કહ્યું, "આવા નકારાત્મક કન્ટેન્ટ બનાવનારા લોકોને જ કેમ બિગ બોસ કે કેબીસી જેવા મોટા શોમાં આમંત્રિત કરવામાં આવે છે? સારી અને સ્વચ્છ કોમેડી કરનારા કલાકારો ક્યાં ખોવાઈ ગયા છે? જો દર્શકો અને મીડિયા સારા હાસ્ય કલાકારોને પ્રોત્સાહન નહીં આપે, તો દેશમાં કોમેડીના નામે આ કલંક વધતું જ રહેશે." તેમણે હાથ જોડીને અપીલ કરી છે કે કોમેડી શોમાં અભદ્ર ભાષા પર પ્રતિબંધ મૂકતો કાયદો બનવો જોઈએ.
પ્રણીત મોરે બિરીયાની જાણો સમગ્ર વિવાદ
આ સમગ્ર વિવાદ પ્રણીત મોરેના ક્રાઉડ-વર્ક શોના એક વીડિયોથી શરૂ થયો હતો, જેનું ટાઇટલ "370 રૂપિયા બિરયાની" હતું. આ શો દરમિયાન હિમાંશુ નામના એક વ્યક્તિએ પોતાની ડેટનો કિસ્સો શેર કરતી વખતે મહિલાઓ વિશે અત્યંત અયોગ્ય અને વાંધાજનક ટિપ્પણીઓ કરી હતી. પ્રણીત મોરે આ ટિપ્પણીઓ અટકાવવાને બદલે તેના પર હસતો જોવા મળ્યો હતો. આ વીડિયો વાયરલ થયા બાદ સોશિયલ મીડિયા પર ભારે આક્રોશ જોવા મળ્યો હતો, જેના પગલે આખરે પ્રણીત, હિમાંશુ અને સેજલ ત્રણેયે સાર્વજનિક રૂપે માફી માંગવી પડી છે.
આ પણ વાંચો : Bollywood Friendship : એક ફિલ્મ અને સલમાન ખાન... તૂટી ગઈ હતી રાની-ઐશ્વર્યાની વર્ષો જૂની દોસ્તી!
