બોલીવુડ ફિલ્મ મેકર અને સંગીતકાર પલાશ મુછલ ભારતીય મહિલા ટીમની સ્ટાર ખેલાડી સ્મૃતિ મંધાના સાથેની સગાઈ તૂટી ગયા બાદ હેડલાઇન્સમાં આવ્યા હતા. હવે, પલાશ વધુ એક મુશ્કેલીમાં ફસાયેલા હોય તેવું લાગે છે. મહારાષ્ટ્રના સાંગલીના વૈભવ માનેએ તેમના પર ₹40 લાખની છેતરપિંડીનો આરોપ લગાવ્યો છે. માનેએ સાંગલી જિલ્લા પોલીસમાં ફરિયાદ નોંધાવી છે.
પલાશે ફિલ્મ બનાવવા લીધા લાખો રૂપિયા!
એક અહેવાલ મુજબ, માને સ્મૃતિ મંધાનાના બાળપણના મિત્ર છે. માને એક ફિલ્મ ફાઇનાન્સર છે. તેણે પોતાની ફરિયાદમાં દાવો કર્યો છે કે જ્યારે પલાશ મુછલ સાંગલીની મુલાકાતે આવ્યો હતો, ત્યારે સ્મૃતિ મંધાનાના પિતા શ્રીનિવાસ મંધાનાએ તેનો પરિચય કરાવ્યો હતો. વૈભવનો આરોપ છે કે પલાશે ફિલ્મ બનાવવા માટે તેની પાસેથી ₹40 લાખ લીધા હતા.
સ્મૃતિ મંધાનાના મિત્રએ લગાવ્યો આરોપ!
વૈભવ માનેએ પોતાની પોલીસ ફરિયાદમાં જણાવ્યું છે કે પલાશ મુછલે ફિલ્મ બનાવવા માટે તેની પાસેથી 40 લાખ રૂપિયા લીધા હતા. જોકે, ફિલ્મ હજુ સુધી બની નથી. વૈભવે વધુમાં આરોપ લગાવ્યો કે જ્યારે તેણે રિફંડ માંગ્યું ત્યારે પલાશ મુછલે કાં તો સ્પષ્ટ ઇનકાર કર્યો હતો અથવા વિનંતી ટાળી દીધી હતી. વૈભવે કેસ સંબંધિત વ્યવહારોના તમામ દસ્તાવેજો અને પુરાવા પણ પોલીસને સુપરત કર્યા હતા.
પલાશ મુછાલની કોઈ પ્રતિક્રિયા આવી નથી
જોકે આ મામલે પલાશ મુછલ તરફથી કોઈ પ્રતિક્રિયા આવી નથી, પરંતુ સાંગલી પોલીસ હવે વૈભવ માને દ્વારા રજૂ કરાયેલા દસ્તાવેજોની તપાસ કરી રહી છે. નોંધનીય છે કે પલાશ મુછલ નવેમ્બરમાં ભારતીય ક્રિકેટ ટીમની સ્ટાર સ્મૃતિ મંધાના સાથેની સગાઈ તૂટી ત્યારથી સમાચારમાં છે.
આ પણ વાંચો- Aamir Khan : મેં લગ્ન કરી લીધા છે...!, ગર્લફ્રેન્ડ ગૌરીને લઈને આમિર ખાનનો મોટો ખુલાસો, અભિનેતાએ કહી દિલની વાત!
