બોલીવુડ એક્ટર ગોવિંદા હાલમાં પોતાની પર્સનલ લાઇફને કારણે ચર્ચામાં છે. તાજેતરમાં તેની પત્ની સુનીતાએ ગોવિંદા સાથે છૂટાછેડાની અરજી પાછી ખેંચી હતી. આ બધાની વચ્ચે મુંબઈમાં રાખી સાથે ફોન પર વાત કરતી વખતે સુનીતા આહૂજાએ દાવો કર્યો હતો કે ગોવિંદા બીજા લગ્ન કરવાની યોજના બનાવી રહ્યા છે. તે સમયે રાખીનો ફોન સ્પીકર પર હતો. જેના કારણે ત્યાં હાજર લોકોએ પણ આ વાત સાંભળી લીધી હતી અને હવે આ વાત ઝડપથી ફેલાઈ રહી છે.
ગોવિંદા સાથે આ એક્ટ્રેસના ડેટિંગની ચર્ચા
ગોવિંદાનું નામ તેની આગામી ફિલ્મ રૂપાની એક્ટ્રેસ કોમલ રાણી સ્વર્ણકાર સાથે જોડાઈ રહ્યું છે. થોડા સમય પહેલાં બંનેને એરપોર્ટ પર પણ સાથે જોવા મળ્યા હતા. જુલાઈમાં ગોવિંદાએ કોમલને પોતાની આગામી ફિલ્મ રૂપાની નવી કો-સ્ટાર તરીકે મીડિયા સામે રજૂ કરી હતી. હવે સુનીતાએ દાવો કર્યો છે કે ગોવિંદા બીજા લગ્ન કરવાની યોજના બનાવી રહ્યા છે.
કોણ છે કોમલ રાણી સ્વર્ણકાર?
કોમલ રાણી સ્વર્ણકાર એક નવો ચહેરો છે, જે બોલીવુડમાં પોતાની ઓળખ બનાવવાનો પ્રયાસ કરી રહી છે. ગોવિંદાના આગામી પ્રોજેક્ટ રૂપા સાથે જોડાતા પહેલાં તે સામાન્ય લોકોમાં જાણીતી નહોતી. મીડિયા અહેવાલો અનુસાર, તે ઉત્તર પ્રદેશની રહેવાસી છે અને આ ઇન્ડસ્ટ્રીમાં નવી છે. તેના અભ્યાસ, પરિવાર કે પર્સનલ લાઇફ વિશે વધારે માહિતી જાહેરમાં ઉપલબ્ધ નથી. તેની ઉંમર વિશે પણ કોઈ ચોક્કસ માહિતી સામે આવી નથી.
સોશિયલ મીડિયા પર ઘણી એક્ટિવ છે કોમલ
ગોવિંદાની રુમર્ડ ગર્લફ્રેન્ડ કોમલ સોશિયલ મીડિયા પર ઘણી એક્ટિવ રહે છે. તેના 15,000થી વધુ ફોલોઅર્સ છે. તે અવારનવાર પોતાની તસવીરો અને વીડિયો શેર કરતી રહે છે અને પોતાની લાઇફ સાથે જોડાયેલા અપડેટ્સ પણ ફોલોઅર્સ સાથે શેર કરે છે.
ગોવિંદાના બીજા લગ્નને લઈને સુનીતા આહૂજાએ શું કહ્યું?
રાખી સાવંત સાથે ફોન પર વાતચીત દરમિયાન સુનીતાએ દાવો કર્યો હતો કે તેણે છૂટાછેડાનો કેસ એટલા માટે પાછો ખેંચી લીધો, કારણ કે ગોવિંદા અને કોમલ કથિત રીતે લગ્ન કરવાની યોજના બનાવી રહ્યા હતા. અરજી પાછી ખેંચવાનું કારણ જણાવતા સુનીતાએ કહ્યું હતું, મેં ગઈકાલે છૂટાછેડાનો કેસ પાછો ખેંચી લીધો, કારણ કે તેઓ લગ્ન કરવાની યોજના બનાવી રહ્યા છે. રાખીએ તરત જ તેના નિર્ણયનું સમર્થન કર્યું અને કહ્યું, ખૂબ સારું, મેં કહ્યું હતું તેમ, કેસ પાછો ખેંચીને તમે યોગ્ય કર્યું. ગોવિંદાની કથિત સંપત્તિ વિશે વાત કરતાં રાખીએ કહ્યું, તમે 200 કરોડ પર ધ્યાન આપો. બધું છોડો, બીજી-ત્રીજી કોઈ આવી ગઈ તો બધું લઈ જશે. પહેલાં બધું તમારા નામે કરી લો, મહેરબાની.
કોમલને ગોવિંદાની રુમર્ડ ગર્લફ્રેન્ડ કેમ કહેવામાં આવી રહી છે?
ગોવિંદા અને તેની આગામી ફિલ્મની નવી કો-સ્ટારને લોકો સામે રજૂ કરવામાં આવે તેના ઘણા મહિના પહેલાં જ સુનીતાએ કોમલ નામની એક મહિલાનો ઉલ્લેખ કર્યો હતો. જાન્યુઆરીમાં એક ઇન્ટરવ્યૂ દરમિયાન સુનીતાએ કોમલનું નામ સાંભળતાં જ તીખી પ્રતિક્રિયા આપી હતી અને કહ્યું હતું, મને કોમલ નામથી નફરત છે. એક કોમલ છે, XYZ, જે પણ હોય. હું તેનાથી નફરત કરું છું. તેણે ફિલ્મ ઇન્ડસ્ટ્રીમાં સુગર ડેડી શોધતી નવી એક્ટ્રેસ વિશે પણ વાત કરી હતી. ત્યારબાદ જ્યારે ગોવિંદાએ કોમલ રાણી સ્વર્ણકાર સાથે રૂપાની જાહેરાત કરી અને તેની સાથે જાહેરમાં જોવા મળવા લાગ્યા, ત્યારે સોશિયલ મીડિયા યુઝર્સે તરત જ સુનીતાની જૂની વાતોને આ નવી એક્ટ્રેસ સાથે જોડી દીધી હતી.
વિવાદ કેવી રીતે શરૂ થયો?
ગોવિંદા અને કોમલ રાણી સ્વર્ણકારને એક એરપોર્ટ પર સાથે જોવા મળ્યા હતા. બંને સાથે જોવા મળ્યા બાદ સુનીતાએ એક્ટર વિશે તીખી વાતો કહી હતી. પાપારાઝી સાથે વાત કરતી વખતે તેણે ગોવિંદાને કોમલના સુગર ડેડી કહ્યા હતા અને તેમના સંબંધ પર સવાલ ઉઠાવ્યા હતા. સુનીતાએ તો ત્યાં સુધી કહ્યું હતું કે ગોવિંદાને શરમ આવવી જોઈએ કે તેઓ દીકરીની ઉંમરની છોકરી સાથે ફરી રહ્યા છે અને હવે તેમનું કોઈ સ્ટાન્ડર્ડ રહ્યું નથી.
ગોવિંદાએ સુનીતાને પોતાની ભાષા પર ધ્યાન આપવા કહ્યું
ગોવિંદાએ પણ આ વિવાદ પર પોતાની મૌન તોડ્યું હતું અને ખાસ કરીને સુનીતાની ભાષા સામે વાંધો ઉઠાવ્યો હતો. પાપારાઝી દ્વારા શેર કરવામાં આવેલા વીડિયો સંદેશમાં એક્ટરે તેમને પોતાના શબ્દોના ઉપયોગમાં વધુ સાવચેતી રાખવા કહ્યું હતું, ખાસ કરીને પોતાની જાહેર છબીને ધ્યાનમાં રાખીને. તેમણે કહ્યું હતું, સુનીતા જી, તમે ખૂબ વધારે ગાળો આપવા લાગ્યા છો. યુવાનો તમારી પાસેથી અપેક્ષા રાખે છે કે તમે જે રીતે વર્તશો, તેઓ પણ એ જ રીતે વર્તશે. આવું ન કરો. તમે માતા-બહેનના નામને સસ્તું બનાવી દીધું છે. તમારી પાસેથી આવી અપેક્ષા નથી.
આ પણ વાંચો-Celebrity Divorce : ગોવિંદા અને સુનીતા આહૂજા વચ્ચે કેમ બગડ્યા સંબંધો? સામે આવી અંદરની વાત!
