નીમ કરોલી બાબાના જીવન પર આધારિત ફિલ્મ હનુમાન અંશ બોક્સ ઓફિસ પર શાનદાર કમાણી કરી રહી છે. તાજેતરમાં એક મુસ્લિમ વ્યક્તિનો થિયેટરમાં ચપ્પલ ઉતારીને ફિલ્મ જોતો વીડિયો વાયરલ થયો છે. ઓછા બજેટમાં બનેલી ફિલ્મ હનુમાન અંશ હાલમાં અનેક કારણોસર ચર્ચામાં છે. ફિલ્મે ત્રીજા અઠવાડિયામાં અચાનક ઝડપ પકડી હતી અને ત્યારથી શાનદાર કમાણી કરી રહી છે. આ ફિલ્મ નીમ કરોલી બાબાના જીવનની કહાની પર આધારિત છે અને તેમના જીવનને પડદા પર રજૂ કરે છે.
ફિલ્મની સફળતા બાદ સીક્વલની જાહેરાત
ફિલ્મની સફળતાને જોતા મેકર્સે તેના સીક્વલની પણ જાહેરાત કરી છે. હવે થિયેટરનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં એક મુસ્લિમ વ્યક્તિ ખૂબ જ ધ્યાનથી ફિલ્મ જોતો જોવા મળે છે અને તેણે ફિલ્મ જોતી વખતે ચપ્પલ પણ ઉતારી દીધી હતી. આ વીડિયો સોશિયલ મીડિયા પર ખૂબ વાયરલ થઈ રહ્યો છે.
લોકોએ વ્યક્ત કર્યો પ્રેમ
આ વીડિયો પર ઘણા યુઝર્સે પોતાની પ્રતિક્રિયા આપી છે. એક યુઝરે કમેન્ટ કર્યું, તેણે ચપ્પલ પણ ઉતારી દીધી. અન્ય એક યુઝરે લખ્યું, રાજકારણ વગરનું ભારત. અન્ય એક યુઝરે લખ્યું કે આજે સિનેમાઘરમાં એક એવું દૃશ્ય જોવા મળ્યું જેને સમજવું મુશ્કેલ છે. એક વૃદ્ધ અંકલે પોતાના જૂતા ઉતારીને સંપૂર્ણ શ્રદ્ધા સાથે હનુમાન અંશ ફિલ્મ જોઈ. યુઝરે આ દૃશ્યને અનોખું ગણાવ્યું.
https://twitter.com/Geetashloks/status/2095113152581001642
7 ઓગસ્ટે રિલીઝ થઈ હતી ફિલ્મ
હનુમાન અંશને કોઈ ખાસ માર્કેટિંગ વિના 7 ઓગસ્ટ, 2026ના રોજ રિલીઝ કરવામાં આવી હતી. ફિલ્મે પહેલા દિવસે માત્ર 10 લાખ રૂપિયાની કમાણી કરી હતી. આ રીતે ભારતમાં 2 અઠવાડિયામાં ફિલ્મનું કલેક્શન માત્ર 1.48 કરોડ રૂપિયા થયું હતું.
27 દિવસમાં 61 કરોડની કમાણી
2 અઠવાડિયા સુધી નબળા પ્રદર્શન બાદ એવી શક્યતા હતી કે ફિલ્મને થિયેટરમાંથી હટાવી દેવામાં આવશે. પરંતુ ત્રીજા અઠવાડિયામાં ફિલ્મની કમાણીમાં મોટો ઉછાળો આવ્યો. દર્શકોને ફિલ્મ પસંદ આવતાં તેને જોરદાર વર્ડ ઓફ માઉથ મળ્યું અને ફિલ્મની કમાણી સતત વધતી ગઈ. હવે હનુમાન અંશ 27 દિવસમાં 61 કરોડ રૂપિયાથી વધુનું કલેક્શન કરી ચૂકી છે.
આ પણ વાંચો-Real Estate : ઓછી ફિલ્મો છતાં અબજોપતિ! રિયલ એસ્ટેટ બિઝનેસથી કરોડો રૂપિયા છાપે છે વિવેક ઓબેરોય!
