લેઝર લાઈટનો ઉપયોગ કરતા કાર્યવાહી
આ ઘટના મુંબઈના MMRDA Ground પર 28 માર્ચના યોજાયેલા કોન્સર્ટ દરમિયાન બની હતી. હજારોની સંખ્યામાં હની સિંહના ફેન્સ અહીં ઉમટી પડ્યા હતા. આ દરમિયાન સુરક્ષાનું ઉલ્લંઘન થયું હોવાનું સામે આવ્યું હતું.તેમજ એરપોર્ટ નજીક લેઝર લાઈટનો ગેરકાયદે ઉપયોગ કરાયો હોવાનું સામે આવતા થઈ છે કાર્યવાહી.પોલીસે અગાઉથી જ સ્પષ્ટ સૂચના આપી હતી કે એરપોર્ટ ઝોન નજીક લેઝર લાઈટનો ઉપયોગ ન કરવો, કારણ કે તે વિમાનની ઉડાન અને પાયલોટની દ્રષ્ટિ માટે ખતરનાક બની શકે છે.તેમ છતાં આ સૂચનાની અવગણના કરીને કોન્સર્ટ દરમિયાન લેઝર લાઈટનો ઉપયોગ કરવામાં આવ્યો હતો. જેના કારણે સુરક્ષા એજન્સીઓમાં ચિંતા ફેલાઈ ગઈ.
આયોજક સામે FIR નોંધાઈ છે
આ મામલે ઇવેન્ટ ઓર્ગેનાઈઝર ‘તમન્નાજ વર્લ્ડવાઈડ એડવર્ટાઈઝમેન્ટ’ના ઈન્દ્રજીત સિંહ સામે પોલીસે FIR નોંધી છે.અધિકારીઓના કહેવા મુજબ આ નિયમોનું ઉલ્લંઘન ખૂબ જ ગંભીર ગણાય છે.કારણ કે તે સીધો એરપોર્ટની સલામતી સાથે સંકળાયેલો છે.માત્ર લેઝર લાઈટ જ નહીં,પરંતુ ભીડ નિયંત્રણમાં પણ ખામી જોવા મળી હતી.પોલીસને આપવામાં આવેલી માહિતી મુજબ લગભગ 12 હજાર લોકો આવવાના હતા,પરંતુ 18 થી 20 હજાર લોકો ત્યાં એકઠા થયા હતા. વધુ ભીડને કારણે પોલીસને સુરક્ષા જાળવવામાં ભારે મુશ્કેલી પડી હતી.