કલર્સ ટીવીના લોકપ્રિય રિયાલિટી શો લાફ્ટર શેફ્સ 3ની ફિનાલે થઈ ગઈ છે અને તેના વિજેતા પણ સામે આવી ગયા છે. ટીવી અભિનેતા અલી ગોની અને જન્નત ઝુબૈર આ સિઝનના વિજેતા બન્યા છે. બંને ટેલિવિઝન ઇન્ડસ્ટ્રીના લોકપ્રિય કલાકારો છે અને ઘણા વર્ષોથી કામ કરી રહ્યા છે. સાથે જ તેણે પોતાના શો અને અભિનયથી દર્શકોના દિલમાં ખાસ સ્થાન બનાવ્યું છે.
અલી ગોનીની કારકિર્દી
અલી ગોનીએ વર્ષ 2012માં એમટીવી સ્પિટ્સવિલા સિઝન 5થી પોતાની કારકિર્દીની શરૂઆત કરી હતી અને વર્ષ 2013માં સ્ટાર પ્લસના શો યે હૈ મોહબ્બતેંથી તેમને ઓળખ મળી. જોકે વર્ષ 2020માં બિગ બોસ 14 તેની કારકિર્દીનો મહત્વનો વળાંક બન્યો, જેમાં તેણે વાઇલ્ડ કાર્ડ એન્ટ્રી લીધી હતી. તેણે યે હૈ મોહબ્બતેં, કુછ તો હૈ તેરે મેરે દરમિયાં, યે વાદા રહા, નાગિન 3 અને દિલ હી તો હૈ જેવી સિરિયલ્સમાં કામ કર્યું છે. એટલું જ નહીં, તે ફિયર ફેક્ટર: ખતરોં કે ખિલાડી 9, નચ બલિયે 9, બિગ બોસ 1 અને લાફ્ટર શેફ્સની ત્રણેય સિઝનમાં જોવા મળી ચૂક્યા છે. હાલમાં તેઓ એમેઝોન પ્રાઇમ વીડિયોના રિયાલિટી શો અલાયન્સનો ભાગ છે.
https://www.instagram.com/p/DYmYo3YiC1H/?utm_source=ig_web_copy_link&igsh=MzRlODBiNWFlZA==
જન્નત ઝુબૈરની કારકિર્દી
વર્ષ 2001માં જન્મેલી જન્નતે વર્ષ 2008માં ટીવી સિરિયલ ચાંદ કે પાર ચલોથી બાળ કલાકાર તરીકે કામ શરૂ કર્યું હતું. ત્યારબાદ તે દિલ મિલ ગયે અને કાશી-અબ ના રહે કોરા કાગજ તેરા માં જોવા મળી હતી. જોકે તેને વાસ્તવિક ઓળખ વર્ષ 2011ની ફુલવા સિરિયલથી મળી અને તેને બેસ્ટ ચાઇલ્ડ એક્ટ્રેસનો એવોર્ડ પણ મળ્યો.
https://www.instagram.com/p/DZpQuM2jMt6/?utm_source=ig_web_copy_link&igsh=MzRlODBiNWFlZA==
આ ઉપરાંત તે ભારત કે વીર પુત્ર: મહારાણા પ્રતાપ, તૂ આશિકી, ખતરોં કે ખિલાડી 1 અને લાફ્ટર શેફ્સ 3માં જોવા મળી ચૂકી છે. સાથે જ તે બોલીવુડ અભિનેત્રી રાની મુખર્જીની ફિલ્મ હિચકી અને નેટફ્લિક્સની વેબ સિરીઝ ગ્લોરીમાં પણ કામ કરી ચૂકી છે.
અલી અને જન્નતની નેટવર્થ
અનેક મીડિયા રિપોર્ટ્સ અનુસાર, જન્નત પાસે ₹250 કરોડની સંપત્તિ છે. ઇન્સ્ટાગ્રામ પર તેને 51.6 મિલિયન લોકો ફોલો કરે છે અને દરેક સોશિયલ મીડિયા પ્લેટફોર્મ પરથી તેની મોટી કમાણી થાય છે. રિપોર્ટ્સ અનુસાર, તે એક એપિસોડ માટે ₹18 લાખ ચાર્જ કરે છે. બીજી તરફ, ટાઇમ્સ ઓફ ઇન્ડિયાના રિપોર્ટ્સ અનુસાર, અલી ગોનીની નેટવર્થ ₹15 થી ₹25 કરોડની વચ્ચે હોવાનું જણાવવામાં આવી રહ્યું છે. બ્રાન્ડ્સ, શો અને સોશિયલ મીડિયાથી પણ તેની સારી કમાણી થાય છે.
આ પણ વાંચો-Bollywood Actress : એન્જિનિયરિંગ છોડી મોડેલિંગમાં આવી આ એક્ટ્રેસ, ડેબ્યૂ કરતા જ બની ગઈ સ્ટાર!
