બિગ બોસ ફેમ જીયા શંકરે પોતાના મંગેતર કરણ ધનક સાથે સંબંધોમાં તિરાડ પડી હોવાની ચર્ચાઓ જગાવી હતી. સોશિયલ મીડિયા પર યુઝર્સે નોંધ્યું હતું કે જીયા દિલ તૂટવા, દગો અને ભાવનાત્મક પીડા સાથે જોડાયેલી પોસ્ટ્સ અને રીલ્સ ફરીથી શેર કરી રહી હતી. આ અફવાઓને ત્યારે વધુ વેગ મળ્યો જ્યારે જીયા એ ઇન્સ્ટાગ્રામ પર કરણને અનફોલો કરી દીધો, જેનાથી ફેન્સ વિચારવા મજબૂર બન્યા કે શું બંને વચ્ચે બધું બરાબર ચાલી રહ્યું છે કે નહીં. જોકે કરણ ધનક સાથે અણબનાવની આ અફવાઓ વચ્ચે એક્ટ્રેસે તેની સાથે હેલોવીન સેલિબ્રેટ કર્યું અને એક તસવીર પણ શેર કરી, જેનાથી તમામ અટકળો પર પૂર્ણવિરામ મુકાઈ ગયું છે.
જીયા શંકરે કરણ ધનક સાથે ઉજવ્યું હેલોવીન
આ તમામ અટકળોનો અંત લાવતાં જીયા શંકરે તાજેતરમાં પોતાની ઇન્સ્ટાગ્રામ સ્ટોરી પર કરણ સાથે એક રોમેન્ટિક ફોટો શેર કર્યો હતો. આ તસવીરમાં આ કપલ ગેમ ઓફ થ્રોન્સના પાત્રોથી પ્રેરિત હેલોવીન કોસ્ચ્યુમ પહેરીને સાથે પોઝ આપતું જોવા મળ્યું હતું. તસવીરમાં બંનેનો અંદાજ ખૂબ જ પ્રેમાળ દેખાઈ રહ્યો હતો.
બ્રેકઅપની ચર્ચાઓ વચ્ચે ફરી કર્યું એકબીજાને ફોલો
અણબનાવના સમાચારો વચ્ચે જીયા શંકરે માત્ર મંગેતર સાથે તસવીર જ શેર નથી કરી, પરંતુ હવે બંનેએ ઇન્સ્ટાગ્રામ પર ફરીથી એકબીજાને ફોલો પણ કરી લીધા છે. તેમના સંબંધોને લઈને ચાલી રહેલી ચર્ચાઓ વચ્ચે આ બાબતે ફેન્સનું ધ્યાન સૌથી વધુ ખેંચ્યું છે.
જીયા શંકરે અફવાઓ પર આપી સ્પષ્ટતા
પોતાના અંગત જીવન વિશે ચાલી રહેલી વાતો પર જીયા શંકરે સ્પષ્ટતા કરતાં જણાવ્યું કે તેના સંબંધને લઈને લગાવવામાં આવી રહેલી અટકળો, તેની શેર કરેલી વિગતો કરતાં ઘણી વધારે વધારી-ચઢાવીને રજૂ કરવામાં આવી છે. 31 ઓક્ટોબરે જીયાએ પોતાની ઇન્સ્ટાગ્રામ સ્ટોરી પર એક નિવેદન જારી કર્યું હતું, જેમાં તેણે લખ્યું: હું એક વાત સ્પષ્ટ કરવા માગું છું. મારા અંગત જીવનને લઈને તાજેતરમાં લગાવવામાં આવી રહેલા અનુમાનો, મારી કહેલી વાતો કરતાં ઘણા આગળ નીકળી ગયા છે. ફેન્સને ઉતાવળે કોઈ નિર્ણય પર ન પહોંચવાની અપીલ કરતાં તેણે ઉમેર્યું: મહેરબાની કરીને મારા સંબંધ વિશે કોઈ અટકળો ન લગાવો અને ન તો અફવાઓ ફેલાવો. કેટલીક બાબતો અંગત હોય છે અને જો દરેક વ્યક્તિ તેનું સન્માન કરશે તો મને ઘણું સારું લાગશે.
https://www.instagram.com/reel/Dd3p-RNTbKC/?utm_source=ig_web_copy_link&exln=MzRlODBiNWFlZA==&srtk=MzRlODBiNWFlZA=='
ઓગસ્ટ 2026માં થઈ હતી સગાઈ
જીયા શંકરે ઓગસ્ટ 2026માં કરણ ધનક સાથે સગાઈ કરી હતી. તેણે ઇન્સ્ટાગ્રામ પર પ્રપોઝલની સુંદર તસવીરો પણ શેર કરી હતી. કરણ અમેરિકામાં રહેતો એક ઉદ્યોગસાહસિક (એન્ટરપ્રિન્યોર) છે, જે સગાઈની સત્તાવાર જાહેરાત થઈ ત્યાં સુધી જીયાની લાઈમલાઈટ અને પબ્લિક લાઈફથી સાવ દૂર રહ્યો હતો.
આ પણ વાંચો-Hina Khan અને રોકી જયસ્વાલના સંબંધો પર મોટો ખુલાસો! લગ્નને લઈને એક્ટ્રેસે આપ્યું હતું કડક અલ્ટીમેટમ
