સદીના મહાનાયક અમિતાભ બચ્ચનનો લોકપ્રિય ક્વિઝ શો કૌન બનેગા કરોડપતિ 18 દર્શકોનું ખૂબ મનોરંજન કરી રહ્યો છે. તાજેતરના એપિસોડમાં દિલ્હીના અમન શર્મા હોટસીટ પર પહોંચ્યા હતા. અમને અમેરિકાની આઇવી લીગ યુનિવર્સિટી ઓફ પેન્સિલવેનિયામાંથી ગ્રેજ્યુએશન કર્યું છે. તેમણે બિગ બીના એક પછી એક સવાલોના સાચા જવાબ આપીને દમદાર ગેમ રમી હતી. જોકે, 25 લાખ રૂપિયાના સવાલ પર તેઓ અટકી ગયા હતા. ખાસ વાત એ હતી કે આ સવાલ રામાયણ સાથે જોડાયેલો હતો.

25 લાખ રૂપિયા જીતવાથી ચૂકી ગયો અમન? 

અમન આ સવાલનો સાચો જવાબ આપી શક્યા નહીં અને તેમણે ગેમ છોડવાનો નિર્ણય લીધો. તેઓ 12.5 લાખ રૂપિયા લઈને ઘરે પરત ફર્યા. આખરે એવો કયો સવાલ હતો, જેના સાચા જવાબની ખબર ન હોવાથી અમન 25 લાખ રૂપિયા જીતવાથી ચૂકી ગયા? શું તમને આ સવાલનો જવાબ ખબર છે? 
https://www.instagram.com/reel/DdqdeCsjx78/?utm_source=ig_web_copy_link&stkn=MzRlODBiNWFlZA==

સવાલ હતો

વાલ્મીકિ રામાયણ મુજબ, ભરત સાથે તેમના મામાના ઘરે તેમના કયા મામા ગયા હતા?

સવાલના વિકલ્પો હતા

  1. શૂરસેન
  2. યુધાજિત
  3. પંચશિખ
  4. જાપક

શું તમને સવાલનો સાચો જવાબ ખબર છે?

અમનને આ સવાલનો જવાબ ખબર નહોતી, તેથી તેમણે ગેમ છોડવાનો નિર્ણય લીધો અને શોમાંથી 12.5 લાખ રૂપિયા જીતીને ઘરે ગયા. ગેમ છોડ્યા બાદ અમિતાભ બચ્ચને અમનને આપેલા વિકલ્પોમાંથી એક પસંદ કરવા કહ્યું. અમને શૂરસેન પસંદ કર્યો, જે ખોટો જવાબ હતો. ત્યાર બાદ અમિતાભ બચ્ચને જણાવ્યું કે આ સવાલનો સાચો જવાબ યુધાજિત છે.
https://www.instagram.com/reel/DdrIbCjlDui/?utm_source=ig_web_copy_link&stkn=MzRlODBiNWFlZA==

કૌન બનેગા કરોડપતિ 18માં આગામી ગેસ્ટ કોણ હશે?

રાજકુમાર રાવ અને વામિકા ગબ્બી ટૂંક સમયમાં કૌન બનેગા કરોડપતિ 18માં જોવા મળશે. બંને પોતાની આગામી ફિલ્મ પ્રહારના પ્રમોશન માટે શોમાં પહોંચશે. આ દરમિયાન રાજકુમાર અને વામિકા હોસ્ટ અમિતાભ બચ્ચન સાથે વાતચીત અને મસ્તી કરતા જોવા મળશે.

આ પણ વાંચો-Actress Struggle : બોલીવુડની આ સુંદર એક્ટ્રેસને પનોતી માનવા લાગ્યા હતા ડાયરેક્ટર્સ! કોઈ નહોતું આપતું કામ!