આજથી આશરે 25 વર્ષ પહેલાં એક એવી ફિલ્મ રિલીઝ થઈ હતી, જેને બનાવતી વખતે મોટા-મોટા દિગ્ગજોએ ફ્લોપ જાહેર કરી દીધી હતી. એટલું જ નહીં, આ ફિલ્મના સેટ અને સ્ટોરી જોઈને કલાકારોએ પણ તેને ફ્લોપ ગણાવી હતી. જોકે, જ્યારે ફિલ્મ રિલીઝ થઈ ત્યારે કમાલ થઈ ગયો. ફિલ્મ માત્ર બોક્સ ઓફિસ પર સફળ જ ન રહી, પણ ઓસ્કરમાં ભારત તરફથી એન્ટ્રી પણ મેળવી. જોકે, આ ફિલ્મ ઓસ્કરમાં કોઈ ખાસ કમાલ ન કરી શકી પણ સુપરહિટ રહી. ફિલ્મનું નામ છે લગાન અને આ ફિલ્મ વર્ષ 2001માં રિલીઝ થઈ હતી. ફિલ્મમાં આમિર ખાન અને ગ્રેસી સિંહે મુખ્ય ભૂમિકા ભજવી હતી.
બોક્સ ઓફિસ પર સુપરહિટ હતી ફિલ્મ
લગાન ફિલ્મ ડાયરેક્ટર આશુતોષ ગોવારીકરે બનાવી હતી અને તેમાં આમિર ખાન સાથે ગ્રેસી સિંહની જોડી જામી હતી. લગાન ફિલ્મની સ્ટોરી ખૂબ જ રસપ્રદ હતી અને લોકોને પણ ખૂબ પસંદ આવી હતી. પરંતુ શું તમે જાણો છો કે જાવેદ અખ્તર સહિત અનેક લોકોએ આ સ્ટોરી સાંભળ્યા પછી તેને ફ્લોપ જાહેર કરી હતી? જાવેદ અખ્તરે પોતે આ અંગે પોતાની વાત રજૂ કરી હતી. પરંતુ જ્યારે ફિલ્મ રિલીઝ થઈ ત્યારે બોક્સ ઓફિસ પર હિટ સાબિત થઈ હતી. બોક્સ ઓફિસ ઇન્ડિયાના આંકડા મુજબ, 24 કરોડ રૂપિયામાં બનેલી આ ફિલ્મે 65 કરોડ રૂપિયાથી વધુની કમાણી કરી હતી.
