અભિનેત્રી મલાઈકા અરોરા એકવાર ફરી પોતાની પર્સનલ લાઈફને લઈને ચર્ચામાં આવી છે. હાલમાં સોશિયલ મીડિયા પર તેનો એક વીડિયો ઝડપથી વાયરલ થઈ રહ્યો છે, જેમાં તે પેપ્સની સામે કોઈ વ્યક્તિ સાથે જઈ રહી હતી. તે વ્યક્તિ મલાઈકાનો હાથ પકડીને તેને ભીડમાંથી લઈ જઈ રહ્યો હતો, ત્યારબાદ સોશિયલ મીડિયા પર તેમના નવા સંબંધોને લઈને ચર્ચા શરૂ થઈ ગઈ છે.
હાથ પકડીને ચાલતી જોવા મળી મલાઈકા
હાલમાં સોશિયલ મીડિયા પર વાયરલ થયેલા વીડિયોમાં મલાઈકા ભીડ અને પેપ્સની વચ્ચેથી પોતાની કાર તરફ જઈ રહી છે. આમાં તેણે શોર્ટ જમ્પસૂટ જેવો ડ્રેસ અને ફ્લેટ્સ પહેર્યા હતા. તેની સાથે હાજર એક વ્યક્તિ તેનો હાથ પકડીને તેને તે જગ્યાએથી બહાર કાઢે છે અને કારમાં બેસાડી દે છે. તેણે વ્હાઇટ ટી-શર્ટ અને બ્રાઉન કલરનું પેન્ટ પહેર્યું છે.
