બોક્સ ઓફિસ પર એક રોમેન્ટિક મલયાલમ ફિલ્મનો જોરદાર જાદુ જોવા મળી રહ્યો છે. ફિલ્મે એક પછી એક અનેક રેકોર્ડ તોડી નાખ્યા છે અને 2026ની સૌથી વધુ ગ્રોસ કલેક્શન કરનારી ફિલ્મ બની ગઈ છે. ફિલ્મને રિલીઝ થયાને હવે 34 દિવસ થઈ ગયા છે અને આ દરમિયાન તેણે તમિલનાડુના મુખ્યમંત્રી અને અભિનેતા વિજય જોસેફની એક્શન ડ્રામા ફિલ્મ જન નાયકનનો રેકોર્ડ પણ તોડી નાખ્યો છે.
બેથલેહેમ કુડુંબા યુનિટ ફિલ્મ
મલયાલમની જે રોમેન્ટિક ફિલ્મ વિશે વાત થઈ રહી છે, તે બીજી કોઈ નહીં પરંતુ બેથલેહેમ કુડુંબા યુનિટ છે. આ ફિલ્મ 2026ની હિટ મલયાલમ ફિલ્મોમાંની એક છે અને બીજી સૌથી વધુ નફો કરનારી મલયાલમ ફિલ્મ બની છે. હવે આ ફિલ્મે જન નાયકનના વર્લ્ડવાઇડ લાઇફટાઇમ કલેક્શનનો રેકોર્ડ પણ તોડી નાખ્યો છે.
બેથલેહેમ કુડુંબા યુનિટનું 34મા દિવસનું કલેક્શન
બેથલેહેમ કુડુંબા યુનિટએ 34મા દિવસે પણ શાનદાર કમાણી કરી છે. આ સાથે તે વિજયની ફિલ્મની વર્લ્ડવાઇડ કમાણીથી આગળ નીકળી ગઈ છે. Sacnilk મુજબ, ફિલ્મે 0.67 કરોડ રૂપિયાનું કલેક્શન કર્યું છે અને તેની ઓક્યુપન્સી 16.0% રહી હતી. આ સાથે ભારતમાં ફિલ્મનું કુલ નેટ કલેક્શન 160.55 કરોડ રૂપિયા થઈ ગયું છે.
બેથલેહેમ કુડુંબા યુનિટના બાકીના દિવસોના બોક્સ ઓફિસ કલેક્શનની વાત કરીએ તો Sacnilk મુજબ, ફિલ્મે પહેલા અઠવાડિયામાં 52.30 કરોડ રૂપિયા, બીજા અઠવાડિયામાં 49.85 કરોડ રૂપિયા, ત્રીજા અઠવાડિયામાં 33.30 કરોડ રૂપિયા અને ચોથા અઠવાડિયામાં 16.75 કરોડ રૂપિયાનું કલેક્શન કર્યું હતું.
બેથલેહેમ કુડુંબા યુનિટ એ તોડ્યો જન નાયકનનો રેકોર્ડ
મલયાલમ ફિલ્મ બેથલેહેમ કુડુંબા યુનિટ એ વર્લ્ડવાઇડ કલેક્શનના મામલે જન નાયકનના લાઇફટાઇમ કલેક્શનને પણ પાછળ છોડી દીધું છે. Sacnilk મુજબ, ફિલ્મે ઓવરસીઝમાં 137.45 કરોડ રૂપિયા અને વર્લ્ડવાઇડ 324.86 કરોડ રૂપિયાનું કલેક્શન કર્યું છે, જે જન નાયકન કરતાં વધારે છે. Sacnilk મુજબ, જન નાયકન એ દુનિયાભરમાં 324.61 કરોડ રૂપિયાની કમાણી કરી હતી.
2026ની મલયાલમની ટોપ 10 સૌથી વધુ કમાણી કરનારી ફિલ્મો
2026ની મલયાલમની ટોપ 10 સૌથી વધુ ગ્રોસ કલેક્શન કરનારી ફિલ્મોની વાત કરીએ તો આ યાદીમાં પહેલા નંબરે રોમેન્ટિક ફિલ્મ બેથલેહેમ કુડુંબા યુનિટ છે. ફિલ્મે દૃશ્યમ 3ના કલેક્શનને પાછળ છોડી દીધું છે.
1. બેથલેહેમ કુડુંબા યુનિટ - 324.61 કરોડ રૂપિયા
2. દૃશ્યમ 3 - 241.92 કરોડ રૂપિયા
3. વાઝા 2 - 238.46 કરોડ રૂપિયા
4. આડુ 3 - 121.31 કરોડ રૂપિયા
5. પેટ્રિયોટ - 80.53 કરોડ રૂપિયા
6. અથિરાડી - 68.27 કરોડ રૂપિયા
7. આઈ એમ ગેમ - 46.34 કરોડ રૂપિયા
8. ખલીફા - 45.22 કરોડ રૂપિયા
9. થુડક્કમ - 45.21 કરોડ રૂપિયા
10. ભરતનાટ્યમ 2 મોહિનીયાટ્ટમ - 40.63 કરોડ રૂપિયા
મલયાલમની સૌથી વધુ નફો કરનારી ફિલ્મો
મલયાલમની રોમેન્ટિક ફિલ્મ બેથલેહેમ કુડુંબા યુનિટ 2026ની બીજી સૌથી વધુ નફો કરનારી ફિલ્મ પણ બની ગઈ છે. 2,284.6% નફા સાથે વાઝા 2 પહેલા નંબરે છે. બીજી તરફ કોઈમોઈના અહેવાલ મુજબ, બેથલેહેમ કુડુંબા યુનિટનું બજેટ 30 કરોડ રૂપિયા છે. જ્યારે ફિલ્મનું વર્લ્ડવાઇડ કલેક્શન 324.61 કરોડ રૂપિયા છે. આ હિસાબે ફિલ્મે 982.03% નફો કર્યો છે અને તે બીજી સૌથી મોટી હિટ મલયાલમ ફિલ્મ બની છે. ફિલ્મે દૃશ્યમ 3 અને આડુ 3 જેવી મોટી હિટ ફિલ્મોના રેકોર્ડને પણ પાછળ છોડી દીધા છે.
આ પણવ વાંચો-Bigg Boss 20 સામે બધા ફ્લોપ! 2026માં 20 મિલિયન વ્યુઅરશિપ મેળવનારો બન્યો પહેલો નોન-ક્રિકેટ OTT કન્ટેન્ટ
