એક્ટ્રેસ મૌની રોય પોતાની અંગત જિંદગીના કારણે ખૂબ જ ચર્ચામાં રહી છે. તાજેતરમાં જ આ એક્ટ્રેસે સૂરજ નાંબિયાર સાથે પોતાનો સંબંધ ખતમ કરવાની જાહેરાત કરી હતી, ત્યારપછીથી જ મૌની રોય પર ઘણા સવાલો ઉઠી રહ્યા હતા. વળી, આ મામલામાં અભિનેત્રી દિશા પટનીનું નામ પણ જોડી દેવામાં આવ્યું હતું. દિશા અને મૌની બંને ખૂબ જ સારી મિત્રો છે. એટલું જ નહીં, બંનેની દોસ્તી પર પણ સવાલો ઉભા કરવામાં આવ્યા હતા. જો કે, હવે મૌની રોયે આ બધા પર પોતાનું મૌન તોડ્યું છે અને પોતાની પ્રતિક્રિયા આપી છે.
મૌની રોયે ટ્રોલર્સને આપ્યો જવાબ
વાસ્તવમાં, મૌની રોયને જ્યારે મોનિકા શર્માએ સવાલ કર્યો કે તમે અત્યાર સુધી પોતાના વિશે સૌથી અજીબોગરીબ અફવા કઈ સાંભળી છે, જેના પર જવાબ આપતા મૌનીએ જણાવ્યું, ઓહ કે હું ગે છું. આ પછી મૌની રોયે એ પણ જણાવ્યું કે સૂરજ નાંબિયારથી અલગ થવા દરમિયાન મારે ઘણી મુશ્કેલીઓનો સામનો કરવો પડ્યો હતો. પરંતુ હું પોતાને નસીબદાર માનું છું કે મારા ફેન્સ આ મુશ્કેલ સમયમાં મારી સાથે હતા. એક્ટ્રેસે આગળ કહ્યું, હું પોતાને ખૂબ ભાગ્યશાળી માનું છું કે મારા મિત્રો હંમેશા મારી સાથે રહ્યા છે અને મારો પરિવાર પણ મારી સાથે હંમેશા ઊભો રહ્યો છે.
