સોશિયલ મીડિયા સેન્સેશનમાંથી એક્ટર અને રિયાલિટી સ્ટાર બનેલા ફૈઝલ શેખ ઉર્ફે મિસ્ટર ફૈઝુના લાખો ફેન્સ છે. તેની દરેક રીલ પર લાખો વ્યૂઝ આવે છે. બીજી તરફ રિયાલિટી શોમાં પણ તે પોતાના પરફોર્મન્સથી ફેન્સના દિલ જીતી ચૂક્યો છે. ઘણા સમયથી ફૈઝુના લગ્નને લઈને સમાચારો ચાલી રહ્યા હતા. ઘણી વખત ફૈઝુએ પોતે પણ જણાવ્યું છે કે તે લગ્નનું પ્લાનિંગ કરી રહ્યો છે. હવે આ દરમિયાન એક્ટરના લગ્નનું કાર્ડ સોશિયલ મીડિયા પર વાયરલ થઈ રહ્યું છે, જેમાં નિકાહની તારીખ સાથે દુલ્હનનું નામ પણ લખેલું જોવા મળે છે.
યુવિકા ચૌધરીએ શેર કર્યો વાયરલ વીડિયો
ફૈઝુના લગ્નનું કાર્ડ યુવિકા ચૌધરીના ઘરે પહોંચ્યું છે. યુવિકા કાર્ડ વાંચતી જોવા મળી રહી છે. તેનો વીડિયો સોશિયલ મીડિયા પર વાયરલ થઈ ગયો છે. ફૈઝુ પહેલાં જ ખુલાસો કરી ચૂક્યો છે કે તે વર્ષ 2026માં લગ્ન કરવાનો છે, પરંતુ તેણે અત્યાર સુધી પોતાની થનારી પત્નીની ઓળખ ગુપ્ત રાખી હતી. હવે લગ્નના કાર્ડમાં તેનું નામ સામે આવી ગયું છે.
https://twitter.com/AlwaysBollywood/status/2104772389586588134
પ્રિન્સ-યુવિકાના ઘરે પહોંચ્યું ફૈઝુના લગ્નનું કાર્ડ
યુવિકા ચૌધરીએ હાલમાં જ એક વીડિયો શેર કર્યો, જેમાં તે મિસ્ટર ફૈઝુનું વેડિંગ કાર્ડ બતાવતી જોવા મળી. વીડિયોમાં એક સજાવેલા બોર્ડ પર MR. FAISU & TANYA લખેલું દેખાઈ રહ્યું છે. કાર્ડ જોતાં જ યુવિકા ખૂબ ખુશ થઈ જાય છે અને કહે છે કે, આખરે ફૈઝુના લગ્ન થઈ રહ્યા છે. જ્યારે અમે ધ 15માં હતા ત્યારે ફૈઝુએ જણાવ્યું હતું કે તે લગ્ન કરવાનો છે. પરંતુ મને નહોતી ખબર કે આટલી જલ્દી થઈ જશે. ત્યારપછી એક્ટ્રેસ કહે છે કે, તારા લગ્નમાં ખૂબ મસ્તી કરીશું.
નિકાહ અને રિસેપ્શનની તારીખો આવી સામે
ફૈઝુના વેડિંગ કાર્ડમાં નિકાહ અને રિસેપ્શનની તારીખ પણ લખેલી છે. જે મુજબ નિકાહ 18 ઓક્ટોબર અને વલીમા 19 ઓક્ટોબરે થશે. જોકે ફૈઝલ શેખ કે તેના પરિવાર તરફથી લગ્નને લઈને હજુ સુધી કોઈ સત્તાવાર જાહેરાત કરવામાં આવી નથી.
https://www.instagram.com/reel/DdvgT0SMgeM/?utm_source=ig_web_copy_link&stkn=MzRlODBiNWFlZA==
ફૈઝુએ લગ્ન વિશે શું કહ્યું હતું?
ફેન્સ આ વાયરલ વેડિંગ કાર્ડને ફૈઝુના જૂના નિવેદન સાથે જોડીને જોઈ રહ્યા છે. આ વર્ષની શરૂઆતમાં ફૈઝુએ સાયરસ બ્રોચાના પોડકાસ્ટમાં પોતાના લગ્ન વિશે ખુલીને વાત કરી હતી. જ્યારે સાયરસે તેને પૂછ્યું હતું કે શું તે જુલાઈમાં લગ્ન કરવાનો છે, કારણ કે આવા સમાચારો સામે આવી રહ્યા હતા, ત્યારે ફૈઝુએ કહ્યું હતું કે, જુલાઈમાં નહીં, પરંતુ હા, હું આ વર્ષે પાક્કા પાયે લગ્ન કરી રહ્યો છું. સો ટકા, ભલે ગમે તે થાય.
પોડકાસ્ટમાં આપ્યો હતો મોટો ખુલાસો
આ પછી સાયરસે પૂછ્યું કે શું તેનો અર્થ એ છે કે લગ્નની અફવા સાવ ખોટી નહોતી? આ વાત પર ફૈઝુએ કહ્યું હતું કે, સંપૂર્ણપણે ખોટી નહોતી. સર, એવી કોઈ અફવા નથી. માત્ર એવી વાત હતી કે હું જુલાઈમાં લગ્ન કરીશ, પરંતુ એવું નથી. હા, હું આ વર્ષે લગ્ન કરી રહ્યો છું. આ ગમે ત્યારે થઈ શકે છે.
આ પણ વાંચો-Bigg Bossમાંથી બહાર આવતાં જ ઈશા રિખીએ કેમ માગી માફી? લખ્યું- 'જો મારાથી આવું થયું હોય તો સોરી'
