Naagin 7 : થઈ ગયું રીવીલ! બિગ બોસની એક્સ કન્ટેસ્ટેન્ટ બની એકતા કપૂરના શોની નાગિન

સલમાન ખાન દ્વારા હોસ્ટ કરાયેલા રિયાલિટી શો બિગ બોસ 19 માટે દર્શકો હાલમાં વધુ ઉત્સાહ અનુભવી રહ્યા છે. આ વિકેન્ડના એપિસોડ બ્લોકબસ્ટર રહ્યો હતો. કારણ કે શોમાં અનેક ફેમસ હસ્તીઓ આવી હતી. એકતા કપૂર શહેનાઝ ગિલ, નેહા કક્કર અને ટોની કક્કર સાથે દેખાશે. એકતાએ બિગ બોસના સ્ટેજ પર નાગિનની આગામી સીઝનની હિરોઈનની ઝલક આપી. શોનો લેટેસ્ટ પ્રોમો ઓનલાઈન વાયરલ થઈ રહ્યો છે.

એકતાએ ઝેર ઓક્યું

ટીવી ક્વીન એકતા કપૂર આજે બિગ બોસ 19ના વીકેન્ડ કા વારમાં આવી હતી છે. હોસ્ટ સલમાન ખાન ટીવીની ક્વીન એકતા કપૂરનું સ્ટેજ પર સ્વાગત કરે છે. એકતાએ ઘરના સભ્યોને પૂછ્યું કે આ ઘરની નાગિન કોણ કોણ છે? આ પછી, એક પછી એક બધા ઘરના સભ્યોએ એકબીજા પર ગુસ્સો ઠાલવ્યો. નીલમ ગિરીએ કહ્યું કે તેને લાગે છે કે ગૌરવ ખન્ના આ ઘરનો સાપ છે. ફરહાના ભટ્ટે માલતી ચહરનું નામ લીધું. મૃદુલ તિવારીએ ફરહાનાનું નામ લીધું.

નાગિનની ઝલક બતાવવામાં આવી

ત્યારબાદ એકતા કપૂરે નાગિનની આ સીઝનની મુખ્ય એક્ટ્રેસ, નાગિનની ઝલક આપી. બિગ બોસ 19 તેના અંતિમ તબક્કામાં પહોંચે તે પહેલાં, શોએ રવિવાર, 2 નવેમ્બરના રોજ વીકેન્ડ કા વારનું આયોજન કર્યું હતું. એકતા કપૂરે પોતે સલમાન ખાનના શોમાં જાહેરાત કરી હતી કે નાગિન 7માં ઇચ્છાધારી નાગીનનો રોલ બીજું કોઈ નહીં પણ પ્રખ્યાત ટીવી અભિનેત્રી પ્રિયંકા ચહર ચૌધરી ભજવશે. એકતા કપૂરની ધમાકેદાર જાહેરાત સાથે, પ્રિયંકા ચહર ચૌધરીએ વાંસળીના સૂર પર ભવ્ય એન્ટ્રી કરી અને તેના નાગિન અવતારમાં બધાને દંગ કરી દીધા. અભિનેત્રીએ સ્ટેજ પર એક શક્તિશાળી નૃત્ય પ્રદર્શન પણ આપ્યું, જેનાથી પ્રેક્ષકોનો ઉત્સાહ વધુ વધી ગયો.