પ્રિયંકા ચાહર ચૌધરી અને નામિક પૌલ સ્ટારર એકતા કપૂરના શો 'નાગિન 7' ને એક અઠવાડિયાનું એક્સટેન્શન મળ્યું છે. શોની આતુરતાથી રાહ જોવાઈ રહી છે તે ગ્રાન્ડ ફિનાલે હવે આગામી અઠવાડિયે થશે, જેમાં દર્શકો માટે મોટા ટ્વિસ્ટ, ડ્રેગન અને નાગિનની લડાઈથી લઈને બે સ્પેશિયલ અપીયરન્સ જેવા સરપ્રાઈઝ મળશે. મેકર્સે નાગિન 7 છેલ્લો વાર ચેપ્ટર 2 નો નવો ધાંસુ પ્રોમો સોશિયલ મીડિયા પર શેર કરી દીધો છે, જેમાં તેજસ્વી પ્રકાશ અને અનીતા હસનંદાની પણ જોવા મળી. આ ખતરનાક જંગમાં આ બે નવી એન્ટ્રી પછી કયામતની રાત્રે મોટો ધડાકો થવાનો છે, જેનાથી સ્ટોરીએ નવો વળાંક લઈ લીધો છે. TRPમાં પણ આ સિરિયલના રેટિંગમાં સુધારો જોવા મળશે.
નાગિન 7 માં બે નવી નાગિનની થઈ એન્ટ્રી
સોશિયલ મીડિયા પર ઘણા દિવસોથી ચર્ચા હતી કે છેલ્લો વાર ચેપ્ટર 2 માં બે નવી નાગિનની પણ એન્ટ્રી થવાની છે અને હવે મેકર્સે કન્ફર્મ કરી દીધું છે કે આ અફવા નથી, પરંતુ સત્ય છે. નાગિન અને ડ્રેગનની આ લડાઈમાં તેજસ્વી પ્રકાશ અને અનીતા હસનંદાની પણ સામેલ થશે. વિશાખા પોતાની દુશ્મનથી બદલો લેવા માટે રાધિકાનો સાથ આપશે. નાગિન અનંતા અને ડ્રેગન રાધિકા વચ્ચે શરૂ થયેલા મહાસંગ્રામથી આખા નાગલોકમાં હલચલ મચી ગઈ છે.
