હેલોવીન પર લોકો અવનવા અને વિચિત્ર લુક્સ તૈયાર કરતા હોય છે. બોલીવુડના સિતારાઓ પણ અલગ-અલગ અંદાજમાં જોવા મળે છે અને દર્શકોનું મનોરંજન કરે છે. આ દરમિયાન સોશિયલ મીડિયા ઈન્ફ્લુએન્સર અને ખતરોં કે ખિલાડી 15 ફેમ ઓરીનો હેલોવીન લુક ઘણો વાયરલ થઈ રહ્યો છે. આ લુકમાં ઓરી તુમ્બાડ ફિલ્મના હસ્તરના અવતારમાં જોવા મળી રહ્યો છે. ફેન્સે જેવો ઓરીનો આ અવતાર જોયો કે તરત જ સૌ કોઈ દંગ રહી ગયા. ઓરી હૂબહૂ તુમ્બાડના હસ્તર જેવો જ દેખાઈ રહ્યો છે. સોશિયલ મીડિયા પર તેનો આ લુક વાયરલ થઈ રહ્યો છે અને પાપારાઝી સમક્ષ પણ તે આ નવા લુકમાં પોઝ આપતો જોવા મળ્યો હતો. ફેન્સને તેનો આ અંદાજ ખૂબ પસંદ આવી રહ્યો છે.
ઓરીએ રિક્રિએટ કર્યો હસ્તરનો લુક
ઓરી અવારનવાર પોતાના લુક્સ સાથે અખતરા કરતો જોવા મળે છે. ત્યારે હેલોવીનના અવસરે ઓરીએ એવો લુક બનાવ્યો જેને જોઈને દરેક વ્યક્તિ આશ્ચર્યમાં મુકાઈ ગઈ. તેણે વિદેશી ફિલ્મોના ભૂત-પ્રેતના પાત્રો પસંદ કરવાને બદલે ભારતીય ફિલ્મ ઇન્ડસ્ટ્રીની આઇકોનિક ફિલ્મ તુમ્બાડના પ્રખ્યાત રાક્ષસ હસ્તરનો લુક પસંદ કર્યો હતો. આ ડરામણા લુકમાં ઓરીને લોકો ખૂબ પસંદ કરી રહ્યા છે અને સોશિયલ મીડિયા પર તેની ચર્ચા તેજ બની છે.