રજનીકાંતે ફરી એકવાર પોતાની નવી રિલીઝ ફિલ્મ જેલર 2થી કમાલ કરી બતાવી છે અને તેમની આ એક્શન ફિલ્મ માત્ર 12 દિવસમાં કોલીવુડની નંબર 1 ફિલ્મ બની ગઈ છે. આ સાથે જ જેલર 2 ફિલ્મે ભારતીય સિનેમાના રેકોર્ડ બુકમાં પણ પોતાનું નામ નોંધાવી દીધું છે. સારી વાત એ છે કે આ ફિલ્મ બીજા અઠવાડિયાના દિવસોમાં પણ સારી ગતિથી આગળ વધી રહી છે.
જેલર 2 ફિલ્મે 13મા દિવસે કેટલું કલેક્શન કર્યું?
નેલ્સન દિલીપકુમારના ડિરેક્શનમાં બનેલી ફિલ્મ જેલર 2ને બીજા વીકેન્ડ પર બોક્સ ઓફિસ પર દર્શકો તરફથી જબરદસ્ત રિસ્પોન્સ મળ્યો હતો. જોકે વીકડેઝ શરૂ થતાં જ તેની કમાણીમાં ઘટાડો નોંધાયો છે. બીજા સોમવારે એટલે કે 12મા દિવસે ફિલ્મના કલેક્શનમાં ઘટાડો જોવા મળ્યો હતો અને તેણે પહેલીવાર સિંગલ ડિજિટમાં કમાણી કરી હતી. બીજા મંગળવારે પણ બોક્સ ઓફિસ પર ફિલ્મની ગતિ ધીમી રહી હતી. સેકનિલ્કના અર્લી ટ્રેન્ડ રિપોર્ટ મુજબ, જેલર 2 ફિલ્મે રિલીઝના 13મા દિવસે એટલે કે બીજા મંગળવારે 7.50 કરોડ રૂપિયાની કમાણી કરી છે. આ સાથે જ આ ફિલ્મની 13 દિવસની નેટ કમાણી હવે 415.65 કરોડ રૂપિયા થઈ ગઈ છે.
શું જેલર 2 બોક્સ ઓફિસ પર હિટ રહી?
જેલર 2 આશરે 350 કરોડ રૂપિયાના બજેટમાં બની હોવાનું કહેવાય છે. આ ફિલ્મે રિલીઝના 13 દિવસમાં બોક્સ ઓફિસ પર 415.65 કરોડ રૂપિયાની નેટ કમાણી કરી લીધી છે. આ નેટ કલેક્શન સાથે ફિલ્મે 65.65 કરોડ રૂપિયાનો નફો કર્યો છે, જે રોકાણ પર આશરે 18.76 ટકા વળતર છે. ફિલ્મને સફળ તો ગણી શકાય, પરંતુ બોક્સ ઓફિસ પર સંપૂર્ણ રીતે હિટ સાબિત થવા માટે તેણે કુલ 700 કરોડ રૂપિયાનું નેટ કલેક્શન કરવું પડશે.
જેલર 2 સ્ટાર કાસ્ટ
નેલ્સન દિલીપકુમાર દ્વારા ડિરેક્ટ થયેલી ફિલ્મ જેલર 2, રજનીકાંતની વર્ષ 2023ની બ્લોકબસ્ટર ફિલ્મ જેલરની સીક્વલ છે. સન પિક્ચર્સ દ્વારા પ્રોડ્યુસ કરાયેલી આ ફિલ્મ આગળની સ્ટોરીને આગળ વધારે છે. જેલર 2માં રજનીકાંત ટાઈગર મુથુવેલ પાંડિયનના રોલમાં પરત ફર્યા છે. સ્ટોરી એક રિટાયર્ડ ઓફિસરની આસપાસ ફરે છે, જેને પરિવાર પર એક ખતરનાક ગુનાહિત ગેંગ દ્વારા જોખમ ઊભું થતાં ફરી એક્શનમાં આવવું પડે છે. પ્રાચીન મૂર્તિઓની તસ્કરી કરતી ગેંગનો ખાતમો કર્યા પછી આ રિટાયર્ડ જેલરે એક મોટા ક્રિમિનલ નેટવર્કના બદલાનો સામનો કરવો પડે છે.
દમદાર સ્ટારકાસ્ટ અને કેમિયો રોલ્સ
ફિલ્મમાં રજનીકાંત મુખ્ય રોલમાં છે. તેમની સાથે એસ. જે. સૂર્યા, સૂરજ વેંજરમૂડુ, મિથુન ચક્રવર્તી, રમ્યા કૃષ્ણન, વિદ્યા બાલન, યોગી બાબુ, મિર્ના, ઋત્વિક, જતિન સરના અને અન્ના રાજન મહત્વના રોલમાં જોવા મળે છે. આ ઉપરાંત મોહનલાલ, શિવ રાજકુમાર, રિતિક રોશન, જેકી શ્રોફ અને વિજય સેતુપતિ કેમિયો રોલમાં છે. જેલર 2 15 ઓક્ટોબર 2026ના રોજ સિનેમાઘરોમાં તમિલ, હિન્દી, તેલુગુ અને કન્નડ ભાષાઓમાં રિલીઝ થઈ હતી.
આ પણ વાંચો-Saiyaara Actor : શર્વરી વાઘ સાથે રોમાન્સ કરશે અહાન પાંડે, નવી ફિલ્મનો રોમેન્ટિક ફર્સ્ટ લૂક આઉટ!
