ટીવી એક્ટ્રેસ સંચિતા ઉગલેના આત્મહત્યા મામલામાં નવો વળાંક આવ્યો છે. મામલાની તપાસ કરી રહેલી પોલીસના હાથમાં હવે સંચિતાનો મોબાઈલ ફોન આવી ગયો છે. પોલીસ ફોનમાં રહેલી ચેટ્સ અને ગેલેરીની તપાસ કરી રહી છે. જો ફોનમાંથી કંઈ પણ ડિલીટ થયું હોવાની શંકા જશે તો ફોનને ફોરેન્સિક તપાસ માટે પણ મોકલવામાં આવશે.
ડિપ્રેશનની ચાલતી હતી સારવાર
પોલીસ સૂત્રોના જણાવ્યા અનુસાર, સંચિતાની 6 મહિનાથી ડિપ્રેશનની સારવાર ચાલી રહી હતી. પોલીસને ડોક્ટર સાથે સંચિતાની વાતચીતની ચેટ્સ મળી છે. પોલીસ ડોક્ટર પાસેથી પણ સમજશે કે આખરે સંચિતા કયા કારણે ડિપ્રેશનમાં હતા અને તે દિશામાં આગળની તપાસ કરવામાં આવશે. પરિવારજનોનો આરોપ છે કે સંચિતા ટેલિવિઝનમાં કામ દરમિયાન ખૂબ પરેશાન રહેતા હતા. સંચિતા અને ડોક્ટર વચ્ચેની ચેટ્સ સોશિયલ મીડિયા પર વાયરલ થઈ રહી છે.
સંચિતા અને તેમના ડોક્ટર વચ્ચેની ચેટ
ડોક્ટર- ખરાબ ભવિષ્ય?
સંચિતા- મને લાગે છે કે મને મગજને લગતી કોઈ ગંભીર સમસ્યા છે. ફોકસ નબળું છે. સાંભળી શકતી નથી.
ડોક્ટર- શું તમે મારી સાથે ઓનલાઈન સેશન લઈ શકશો?
સંચિતા - ચોક્કસ.
ડોક્ટર- મને જણાવજો ક્યારે શરૂ કરી શકીએ. તમે મારી સાથે જ્યારે ઈચ્છો ત્યારે વાત કરી શકો છો અને જ્યારે તમને સારું ન લાગે ત્યારે વાત કરી શકો છો.
સંચિતા - મને ક્યારેય પણ સારું નથી લાગી રહ્યું. હું પૂરી રીતે ખોવાયેલી રહું છું.
ડોક્ટર- ચિંતા ન કરો, હું તમને ઠીક કરી દઈશ.
સંચિતા- ક્યારે, 6 મહિના થઈ ગયા છે. હું ખૂબ અસામાન્ય વર્તન કરી રહી છું. લોકો મારાથી ડરે છે.
ડોક્ટર- પહેલા આપણે આપણા સેશન શરૂ કરવા પડશે. તે પહેલાં હું કંઈ કરી શકું નહીં. પહેલા આપણા ઓનલાઈન સેશન થશે. પછી જ્યારે તમે કમ્ફર્ટેબલ થશો ત્યારે રૂબરૂ સેશન લઈશું. મારે તમારા વિશેની બધી વિગતો જાણવી છે. તમારા ભૂતકાળ વિશે બધું જાણવું છે. ત્યારે હું તમને આત્મવિશ્વાસ સાથે ટ્રીટ કરી શકીશ.
સંચિતા- મેં મારા બધા પૈસા ખર્ચ કરી દીધા, પરંતુ કોઈ પણ થેરાપી કામ નથી કરી રહી.
ડોક્ટર- પોઝિટિવ રહો. ભગવાન પર વિશ્વાસ રાખો.
સંચિતા- મારી અંદર, આત્મવિશ્વાસ કે શ્રદ્ધા નથી.
ડોક્ટર- તો પછી તમને મારી પાસેથી શું મદદ જોઈએ છે?
સંચિતા- મને નથી ખબર, પરંતુ જોઈએ છે આગળ શું કામ કરે છે.
ડોક્ટર- પોતાનું ધ્યાન રાખજો.
સંચિતા- હા.
