હિન્દી સિનેમાના સુપરસ્ટાર ડિસ્કો ડાન્સરના નામે મશહૂર દિગ્ગજ એક્ટર મિથુન ચક્રવર્તીની દીકરી દિશાની ચક્રવર્તીએ સગાઈ કરી લીધી છે. તેણે પોતાના મિત્ર માઈલ્સ મેંટઝારિસ સાથે સગાઈ કરી છે. દિશાની અને માઈલ્સે ઇન્સ્ટાગ્રામ પર એક સંયુક્ત પોસ્ટ શેર કરીને સગાઈની માહિતી લોકો સાથે શેર કરી છે. બંનેએ પોતાના લગ્નની તારીખ પણ જણાવી દીધી છે. બંને આ જ વર્ષે 6 ડિસેમ્બરના રોજ લગ્નના બંધનમાં બંધાશે.
દિશાની-માઈલ્સની સગાઈની તસવીરો થઈ વાયરલ
બંનેએ કેટલીક તસવીરો શેર કરી છે. પહેલી તસવીરમાં માઈલ્સ સમુદ્ર કિનારે ઘૂંટણિયે બેસીને દિશાનીને પ્રપોઝ કરતો જોવા મળી રહ્યો છે. એક બીજી તસવીરમાં દિશાની સગાઈની વીંટી બતાવતી જોવા મળે છે. વળી માઈલ્સ તેને કિસ કરતો દેખાય છે. બંને ખૂબ જ ખુશ જોવા મળી રહ્યા છે. જેવા જ બંનેએ સગાઈના સમાચાર જાહેર કર્યા, ત્યારપછીથી સતત બંનેને અભિનંદન મળી રહ્યા છે. પ્રશંસકો બંનેની પોસ્ટ પર કોમેન્ટ કરીને બંનેને શુભેચ્છાઓ આપી રહ્યા છે. સોશિયલ મીડિયા પર પોસ્ટ કરતા બંનેએ પોતાના લગ્નની તારીખ સાથે લખ્યું, 06.12.2026. મારા માટે અત્યાર સુધીનો લેવાયેલો સૌથી સરળ નિર્ણય.
