બોલીવુડના જાણીતા ફિલ્મ નિર્માતા-દિગ્દર્શક સંજય ગુપ્તા હવે આ દુનિયામાં રહ્યા નથી. સિનેમાને અનેક યાદગાર ફિલ્મો આપનાર સંજય ગુપ્તાના આકસ્મિક નિધનથી સમગ્ર બોલીવુડ સ્તબ્ધ છે. શનિવાર, 31 ઓક્ટોબરની સવારે સંજય ગુપ્તાનું તેમના મુંબઈ સ્થિત આવાસ પર નિધન થયું હતું. 57 વર્ષની વયે તેમણે આ દુનિયાને અલવિદા કહી દીધું અને હવે તેઓ પંચતત્વમાં વિલીન થઈ ચૂક્યા છે. મુંબઈના પવન હંસ સ્મશાન ઘાટ ખાતે તેમના અંતિમ સંસ્કાર કરવામાં આવ્યા હતા. આ દરમિયાન સંજય ગુપ્તાનો પરિવાર, સંબંધીઓ અને બોલીવુડની જાણીતી હસ્તીઓ ઉપસ્થિત રહી હતી અને દિવંગત નિર્દેશકને આખરી વિદાય આપી હતી. સંજય ગુપ્તાના પુત્રએ તેમને મુખાગ્નિ આપી હતી.
સંજય ગુપ્તાના અંતિમ સંસ્કારમાં પહોંચ્યા આ સિતારાઓ
રોનિત રોય, રોહિત રોયથી લઈને મિલાપ ઝવેરી, રાજપાલ યાદવ, મીઝાન જાફરી, જાવેદ જાફરી, મનોજ બાજપેયી અને રાકેશ રોશન સહિતના અનેક સેલેબ્સ તેમને અંતિમ વિદાય આપવા માટે પહોંચ્યા હતા. આ દરમિયાન રોનિત રોય અને રોહિત રોયની આંખો પણ છલકાઈ ગઈ હતી, જ્યારે મિલાપ ઝવેરી પોતાના ખાસ મિત્રને ગુમાવીને ભાંગી પડ્યા હતા અને રડી પડ્યા હતા. અભિષેક બચ્ચન પણ સંજય ગુપ્તાને શ્રદ્ધાંજલિ આપવા સ્મશાન ઘાટ પહોંચ્યા હતા. તેમણે દિવંગત ફિલ્મમેકરને અંજલિ આપી પરિવાર પ્રત્યે ઊંડી સંવેદના વ્યક્ત કરી હતી.
https://www.instagram.com/reel/DfKi4IDT7i3/?utm_source=ig_web_copy_link&exln=NTc4MTIwNjQ2YQ==
સંજય ગુપ્તાના નિધનનું કારણ
વર્સોવા પોલીસ સ્ટેશન વિસ્તાર હેઠળ સંજય ગુપ્તાના નિધનની માહિતી સામે આવી હતી. પ્રાપ્ત વિગતો અનુસાર, ગત રાત્રે ઘરમાં તેમનું સંતુલન બગડ્યું હતું અને તેઓ નીચે પડી ગયા હતા. આ દુર્ઘટનામાં તેમના માથાના ભાગે ગંભીર ઈજા થઈ હતી અને રક્તસ્ત્રાવ શરૂ થઈ ગયો હતો. વધુ પડતું લોહી વહી જવાને કારણે તેમનું અવસાન થયું હતું. ઘટના સમયે ઘરમાં તેમનાં પત્ની, બાળકો અને એક હાઉસ હેલ્પ હાજર હતા, પરંતુ મોડી રાત હોવાના કારણે તમામ લોકો સૂતા હતા, જેથી આ અકસ્માત અંગે કોઈને તરત જાણ થઈ શકી નહોતી. સવારે જ્યારે તેઓ જાગ્યા ત્યારે આ કરુણ ઘટનાની જાણ થઈ હતી. પરિવાર તરફથી હાલ કોઈ પણ પ્રકારની શંકા કે એફઆઈઆર નોંધાવવામાં આવી નથી.
https://www.instagram.com/reel/DfKgzEezYI3/?utm_source=ig_web_copy_link&obrf=NTc4MTIwNjQ2YQ==
સંજય ગુપ્તાની ફિલ્મી સફર
સંજય ગુપ્તાની ફિલ્મી સફરની વાત કરીએ તો તેમણે પોતાની કરિયરમાં અનેક સુપરહિટ ફિલ્મોનું નિર્દેશન કર્યું હતું. તેમની ચર્ચિત ફિલ્મોમાં કાંટે, શૂટઆઉટ એટ વડાલા, કાબિલ, આતિશ, ઝિંદા, હમેશા, રામ શાસ્ત્ર, જંગ, જઝ્બા, મુસાફિર, દસ કહાનિયાં, મુંબઈ સાગા અને ખૌફ જેવી જાણીતી ફિલ્મો સામેલ છે. આમાંથી ઘણી ફિલ્મોનું નિર્માણ પણ તેમણે પોતે જ કર્યું હતું. આ ઉપરાંત સંજય ગુપ્તાએ શૂટઆઉટ એટ લોખંડવાલા, પ્લાન, વુડસ્ટોક વિલા, એસિડ ફેક્ટરી અને પંખ જેવી ફિલ્મો પણ પ્રોડ્યુસ કરી હતી.
આ પણ વાંચો-Orry Halloween Look : તુમ્બાડનો હસ્તર બન્યો ઓરી! હેલોવીન લુક જોઈ તમે પણ રહી જશો દંગ, વીડિયો વાયરલ
