"સારાભાઈ વર્સિસ સારાભાઈ" ના કલાકાર ઇન્દ્રવદન એટલે કે સતીશ શાહનું 74 વર્ષની વયે શનિવારે અવસાન થયું છે. તેમનું કિડની ફેલ્યોરથી અવસાન થયું હતું. થોડા દિવસ પહેલા તેમની તબિયત અચાનક બગડી હતી અને તેમને મુંબઈની હિન્દુજા હોસ્પિટલમાં લઈ જવામાં આવ્યા હતા, જ્યાં તેમનું આજે અવસાન થયું હતું.
સતિશ શાહે લગભગ 250 હિન્દી અને મરાઠી ફિલ્મો અને ટીવી સિરિયલોમાં કામ કર્યું
સતિશ શાહે લગભગ 250 હિન્દી અને મરાઠી ફિલ્મો અને ટીવી સિરિયલોમાં કામ કર્યું છે, જેનાથી તેમણે પોતાની એક અનોખી ઓળખ બનાવી છે. તેમની છેલ્લી પોસ્ટ 24 ઓક્ટોબરના રોજ તેમના X હેન્ડલ પર સ્વર્ગસ્થ અભિનેતા શમ્મી કપૂરને તેમના જન્મદિવસ પર યાદ કરીને લખી હતી. તેઓ હવે આપણી વચ્ચે નથી,
સતીશ શાહના લગ્ન ડિઝાઇનર મધુ શાહ સાથે થયા હતા
સતીશ શાહના લગ્ન ડિઝાઇનર મધુ શાહ સાથે થયા હતા. જોકે તેમને કોઈ સંતાન નથી, તેઓ પહેલી વાર CIPTA ફિલ્મ ફેસ્ટિવલ દરમિયાન મળ્યા હતા. તેઓ મધુ સાથે પ્રેમમાં પડ્યા અને તરત જ તેમને પ્રપોઝ કર્યું. જોકે, મધુએ તેમના પ્રપોઝલને નકારી કાઢી હતી જેનાથી અભિનેતાનું હૃદય તૂટી ગયું. છતાં તેમણે હાર ન માની. તેમણે ફરીથી પ્રપોઝલ કર્યું, પરંતુ ફરીથી નકારી કાઢવામાં આવ્યું.
સતીષ શાહે મધુને ત્રણ વાર પ્રપોઝ કર્યું,
જ્યારે સતીષ શાહે મધુને ત્રીજી વાર પ્રપોઝ કર્યું, ત્યારે મધુએ તેને તેના માતાપિતાને મળવા કહ્યું અને કહ્યું કે તે તેમની પરવાનગી પછી જ તેની સાથે લગ્ન કરશે. સતીષને મધુના માતાપિતાની સંમતિ મેળવવામાં થોડી મુશ્કેલી પડી. જોકે, તેમણે તેમને મનાવી લીધા, અને એક મહિનામાં જ બંનેની સગાઈ થઈ ગઈ. સગાઈના આઠ મહિના પછી, 1972માં તેમના લગ્ન થયા.
સતીષ શાહની પત્ની, મધુ, વ્યવસાયે ડિઝાઇનર
અહેવાલો દર્શાવે છે કે સતીષ શાહની પત્ની, મધુ, વ્યવસાયે ડિઝાઇનર છે. તેઓએ 1972માં લગ્ન કર્યા હતા. મીડિયા રિપોર્ટ્સ અનુસાર, સતીશ શાહ પાસે લગભગ 5.5 કરોડ રૂપિયાની સંપત્તિ હતી, જે તેમણે તેમની પત્ની મધુ શાહ માટે છોડી દીધી હતી.
